Pasada, Torpè, Lodè e Thiniscole- Tzentru de Recreu Istiale

Tzentru de recreu

 

COMUNA DE PASADA

Provìntzia de Nùgoro

TZENTRU DE RECREU

AVISU PÙBLICU

 

Si dat ischitu chi cun sa detèrmina de su Responsàbile de s’Ufìtziu de Pianu n. 72 de su 15/06/2015, at a     abèrrere unu Tzentru de recreu istiale pro 199 pitzinnos: 15 residentes in sa Comuna de Lodè;              23 residentes in sa Comuna de Posada; 150 residentes in sa Comuna de Thiniscole e 11 residentes in sa Comuna de Torpè, de s’edade dae sos 6 (cròmpidos in su 2015) a sos 12 annos.

Su Servìtziu at a èssere in sos meses de Trìulas e de Austu 2015, in tres turnos de 10 dies cadaunu.

Sa cuota de partetzipatzione pro cada turnu est de 100,00 èuros e pertocat su pranzu e su trasportu dae       Pasada a su Tzentru e sa torrada.

Sos mòdulos de sa domanda si podent leare dae sos Ufìtzios de su Servìtziu Sotziale, cada die dae su lunis a sa chenàbura, dae sas 11.00 a sas 13.00.

 

SAS DOMANDAS DEPENT ÈSSERE PROTOCOLLADAS IN COMUNA IN ANTIS DE SU 29 DE LÀMPADAS

 

Si sas domandas chi ant a èssere presentadas ant a èssere prus de 199, ant a èssere ammìtidas sas primas chi sunt cròmpidas a s’Ufìtziu Protocollu. In prus, pro fàghere a manera chi leent parte totu sos pitzinnos,   semper chi b’apat prus domandas, sos chi ant a fàghere domanda pro learent parte a prus turnos, ant a     pòdere leare parte a unu turnu ebbia, semper cunforma a s’òrdine de arrivu a s’Ufìtziu de Protocollu.

SA GRADUATÒRIA DE SOS PITZINNOS AMMÌTIDOS A CADA TURNU AT A ÈSSERE              PUBLICADA NON PRUS TARDU DE SU 30 DE LÀMPADAS IN S’ALBU PRETÒRIU DE SU   SITU ISTITUTZIONALE DE SA COMUNA DE PASADA.

Sa còpia de sa ritzevuta de su versamentu at a dèpere èssere cunsignada in antis de su 2 de trìulas 2015 a s’Ufìtziu de su Servìtziu Sotziale.

Pro àteras informatziones e/o crarimentos tocat a domandare a s’Ufìtziu de sos Servìtzios Sotziales de sa  Comuna de residèntzia o a custos nùmeros de telèfono: 0784/870515 0784/870525 .

Sa Responsàbile de s’Ufìtziu de Pianu               Su Responsàbile de sos Servìtzios Sotziales

F.du Ass. Sotziale Paola Fronteddu                        F.du Dutora Graziella Deledda

 

iscàrriga inoghe sa locandina in pdf

iscàrriga inoghe su mòdulu de domanda

iscàrriga sa locandina de sa Comuna de Torpè

iscàrriga sa locandina de sa Comuna de Lodè

PASADA – Sesta letzione de limba sarda

limba-sarda

Giòvia, su 18 de làmpadas de su 2015, s’Ufìtziu de sa Limba Sarda de s’Arta Baronia ammanitzat in sa Comuna de Pasada sa sesta letzione de limba sarda.

In custa letzione amus a bìdere:

–  Sos agetivos

–  Sos verbos (persones,  modos, tempos)

Ammentamus a sos chi frecuentant su cursu de si learent in fatu una memòria pro si sarbarent sos “files” de sas letziones fatas fintzas a como

Pasada – Tertza letzione de limba sarda

limba-sarda

 

Giòvia a sas chimbe de borta de die in sa Comuna de Pasada b’at a èssere sa tertza letzione de limba sarda.

Si in sa prima letzione amus arresonadu de s’istòria de sa limba sarda  e in sa segunda de leges, de deretos dennegados e de ite est s’istandard e sa LSC , in sa de tres amus a comintzare a bìdere carchi règula de grammàtica e de ortografia pro mustrare de comente sa variante locale  torrat cun sas normas ortogràficas de sa LSC (e duncas sas diferèntzias intre faeddu e iscritura)  e de comente s’una non podet fàghere a mancu de s’àtera  essende chi sunt ligadas a pare a nodu istrintu.

PASADA – Laboratòriu de iscritura in sardu

stemma Posada hd

S’Ufìtziu de sa Limba Sarda de s’Arta Baronia, cun su patrotzìniu de sa Comuna de Pasada e de sa Pro Loco de Pasada, est ammanitzende pro su mese de maju unu laboratòriu de iscritura in sardu chi at a èssere fatu in sa sala consiliare de sa Comuna.

A su laboratòriu si bi podet marcare chiesisiat, est a s’in donu, e at a èssere fatu cada giòvia dae sas 5 a sas 6 de su sero.

 

 

Chie si cheret marcare podet:

  • Imbiare una mail a uls.lode@tiscali.it cun nùmene, sambenadu, nùmeru de telefoneddu e posta eletrònica

 

  • Bènnere a si signare in Comuna su martis dae sas 8 a sas 13 o sa giòvia dae sas 15.30 a sas 18.30

 

  • Chircare a Giusy Putzu in Comuna

 

Inoghe podides iscarrigare sa domanda de iscritzione

Atestadu de partetzipatzione a sa gara de marìglia

Atestadu Pro Loco Pasada

Atestadu Pro Loco Pasada

Custu atestadu est un’assempru de su chi cadaunu de nois podet fàghere che a faina fitiana pro sa limba sarda: a l’impreare pro onni cosa e in onni logu!

Est provende a lu fàghere fintzas sa Pro Loco de Pasada, chi su 30 de martzu at a cunsignare 48 atestados in sardu chi ant a intrare in 48 domos de sa parte norte de sa Sardigna, a testimonia chi su sardu est limba de comunicatzione moderna e chi  sos chi punnant a una ispartzinadura e a un’impreu prus mannu, no isbàlliant.