Torpè – Lìteras e paràulas ispartzinadas

Lìteras e paràulas ispartzinadas

Sa Biblioteca Comunale de Torpè, paris cun s’Ufìtziu de sa Limba Sarda e sa Comuna de Torpè, proponet su progetu “Lìteras e paràulas ispartzinadas”, una filera de giogos linguìsticos pensados e fatos pro sos pitzinnos.

Dae su 10 de santandria, fintzas a su mese de nadale, cada martis a sas bator (16.00), bos isetamus pro giogare e nos ispassiare in pare!!!!

 

Torpè – Sa ludoteca est torra aberta

stemma torpè originaleLUDOTECA

 

A V  I S U

Sa responsàbile de su Servìtziu Sotziale dat a ischire chi dae su 19 de santugaine de su 2015 sa LUDOTECA at a èssere aberta su Lunis, su Mèrcuris e su Sàpadu, dae sas 15.00 (sas tres) a sas 18.00 (sas ses).

Sas atividades ant a èssere fatas in sos locales de su Tzentru de Agregatzione Sotziale pro sos   pitzinnos dae sos ses a sos trèighi annos.

SA RESPONSÀBILE DE SU SERVÌTZIU

F.tu Ass.  Dott.ssa Laura Buccheri

 

pro lèghere s’avisu in sardu incarca inoghe

LODE’ – Nàschidos pro lèghere

nati-per-leggere

Oe, su 23 de cabudanni de su 2015, at torradu a comintzare su progetu “Nati per leggere” in s’iscola materna de sa Comuna de Lodè chi punnat a promòvere sa letura in famìllia e in iscola, ca chircas iscientìficas ant mustradu chi a lèghere a boghe arta a sos pitzinnos in edade pre-iscolare lis cajonat profetu mannu siat in àmbitu relatzionale (ca ponet a cuntatu istrintu a su mazore cun su fìgiu) siat in àmbitu de crèschida psico-cognitiva (creschet mègius su cumprendòniu de su linguàgiu e s’abilesa a lèghere).
In prus sos pitzinnos creschent avesos a tènnere libros a in tundu e duncas a los lèghere.
Su progetu est promòvidu dae sa collaboratzione intre su sòtziu de sos pediatras (ACP), su sòtziu de sas bibliotecas italianas (AIB) e su Tzentru pro sa Salude de su Pitzinnu (CSB); prus de 400 progetos locales in 1195 comunas italianas.
Sa biblioteca de Lodè, in custos annos, at promòvidu sa letura de libros no in  italianu ebbia, ma fintzas in inglesu (Progetu “Born to read”) e in sardu “Nàschidos pro lèghere”; dae como a su mese de nadale sa prima parte de su progetu at a èssere fatu a incuru de s’Ufìtziu de sa Limba Sarda cun libros bortados in sardu e cun un’animatzione a sa letura totu in sardu.

PASADA – Avisu bursas de istùdiu

Bursa de istùdiu2

COMUNA DE PASADA

PROVÌNTZIA DE NÙGORO

AREA AFARES GENERALES E ISTITUTZIONALES, ATIVIDADES PRODUTIVAS, TURISMU, P.I., BIBLIOTECA, DEMOGRÀFICU-ISTATÌSTICU

Prot. n. 4837 de su 07/09/2015

AVISU PÙBLICU

Bursas de istùdiu “COMUNALES” in favore de sos alunnos mereschidores de s’Iscola Istatale segundària de 2 gradu, diplomados in s’A.I. 2014/2015

Sas domandas depent èssere presentadas intro de su 07/10/2015 a mesudie (12.00)

SU RESPONSÀBILE DE SU SERVÌTZIU

In atuazione de sa Detèrmina n. 167 de su 07/09/2015

DAT A ISCHIRE

chi si podent presentare sas domadas pro leare parte a su bandu chi at a assignare sas Bursas de Istùdiu “COMUNALES” a sos alunnos mereschidores de s’Iscola Istatale Segundària de 2 gradu chi si sunt diplomados in s’A.I. 2014/2015.

 

Rechisidos:

1. Residèntzia in sa Comuna de Pasada

2. Votu a s’esàmene de maturidade nessi de 80/100

Sa summa a disponimentu est de 1.500,00 èuros chi at a èssere partzida cunforma a sas domandas presentadas. Cada bursa de istùdiu, comentesisiat, no at pòdere èssere prus de 400,00 èuros;

Sas domandas – bide su documentu “A” – ant a dèpere èssere presentadas intro de su 07/10/2015 a mesudie (12.00) Sa domanda depet èssere presentada paris cun sa fotocòpia de su documentu de identidade de chie l’est presentende.

Custu avisu at a èssere publicadu in s’Albo Pretorio in lìnia de su situ internet de sa Comuna de Pasada www.comune.posada.nu.it.

Su mòdulu de domanda si podet pedire a su Servìtziu P.I. in oràriu de ufìtziu.

SU RESPONSÀBILE DE SU SERVÌTZIU

Giuseppe CARZEDDA

 

pro iscarrigare s’avisu e su mòdulu in italianu, incarca inoghe

pro iscarrigare s’avisu in sardu, incarca inoghe