TORPE’ – Lege 162 (annualidade 2015)

lege 162 2

COMUNA DE TORPÉ

PROVÌNTZIA DE NÙGORO

UFÌTZIU DE SOS SERVÌTZIOS SOTZIALES

 

A V  I S U

LEGE 162/98 – PROGETOS PERSONALIZADOS DE AGIUDU A FAVORE DE SAS  PESSONES CUN DISABILIDADES GRAES

Pròroga de sos Progetos aprovados in antis de su 30.06.2015 e àtera data a nou pro sa      presentatzione de sas domandas noas.

 

PROGETOS IN PRÒROGA:

Si dat a ischire chi sa Regione Sardigna cun Delìbera n. 40/40 de su 07.08.2015 at cambiadu sas normas betzas, autorizende  a sighire sos Progetos aprovados a in antis de su 30.06.2015, pro su tretu de tempus dae su 01.07.2015 a su 30.09.2015, sena chi b’apat  variatzione peruna a sa    summa assignada in su I semestre de su 2015.

Pro more de custu s’invitat a sos chi gosant de sos progetos, de non tènnere a contu sa               comunicatzione fata cun prot. n. 2955 su 07.07.2015.

N. B. a sos progetos in pròroga non b’at bisòngiu de los agiornare  cun s’ISEE.

 

PROGETOS NOOS:

Si dat a ischire chi est istada aprovada sa pròroga pro presentare  sa domanda de ativatzione de sos progetos noos. Sas domandas ant a dèpere èssere presentadas a s’Ufìtziu de Protocollo non prus a tardu de su 02.09.2015, ca sinono no ant a èssere aprovadas.

Sos mòdulos sunt a disponimentu in s’Ufìtziu de sos Servìtzios Sotziales e in su situ www.comune.torpe.nu.it .

 

Torpé, su 21.08.2015

 

SU RESPONSÀBILE DE SU SERVÌTZIU

F.tu Ass.  Dott.ssa Laura Buccheri

Pro iscarrigare s’avisu dae su situ de sa Comuna, incarca inoghe