Zente de Torpè… e a inghìriu….

zente de torpè2zente de torpè1

Su 7 de cabudanni a sas ses de su sero at a  èssere inaugurada sa mustra fotogràfica “Sardigna de sos annos ’70 – Zente de Torpè … e a inghìriu” de Ferdinando Longhi in su salone de sa Crèsia Mazore, carrera de Santu Nicolò, de Torpè.

Sa mustra at a èssere aberta sas dies de sa festa de Nostra Segnora de sos Ànzelos, cun custos oràrios:

lunis 7 de cabudanni: dae sas 6 de su sero (18.00)

martis 8 de cabudanni: 10.00/12.00 e 18.00/22.00

mèrcuris 9 de cabudanni: 10.00/12.00 e 18.00/22.00

giòvia 10 de cabudanni: 10.00/12.00 e 18.00/22.00

Chie cheret prus informatziones podet telefonare a custu nùmeru +39 335459325

imbiare una mail a custu indirìtziu: ferdinando.longhi@tiscali.it

o bisitare su situ internet: www.ferdinandolonghi.com

Presentada de “Che a sa manu de Deus” – de Jorgi Rusta

mostra-def_grande_1.jpg

S’Ufìtziu de sa Limba Sarda de sa Provìntzia de Nùgoro, paris cun s’Istitutu de istùdios e de chircas C. Bellieni de Tàtari, sa domo de imprenta Ilisso e s’Acuàriu de Cala Gonone, proponet sa mustra fotogràfica

Che a sa manu de Deus…

Una tzucada fotogràfica in su mundu de sos fundos ofitzinales sardos, in su tempus, pro pòdere mègius dare balore a su sartu nostru, e a su chi nos at imparadu.

Pensende a sa filosofia chi sighit s’acuàriu, e chi punnat a sa biodiversidade, a impreare cun cussèntzia e a s’urtimada a mantènnere e respetare su logu, cun custa mustra si cheret bogare a pitzu su ligàmene intre limba, cultura e sartu.

Sa biodiversidade espressat tratèntzias intre sos ecosistemas diferentes, e gai matessi sa limba, chi essende bia, moet e tramudat totu sa sienda materiale e immateriale de sas comunidades nostras.

Sos fundos e sas erbas ofitzinales sunt sos mèdios chi su logu at postu a disponimentu de s’òmine. Sos mannos connoschiant bene cantu podiant èssere de importu, pariat chi las lusingaiant e las carignaiant, e dae custu  ischiant cale fiant sos fundos chi tocaiat de imprare pro curare corpus e ànima.

In custa mustra b’at dòighi fotografias, in ue b’at retratados dòighi fundos de sos prus connotos de sa Sardigna, osservadas dae a curtzu meda, paret pro nde cumprèndere su naturale prus cuadu, chi dae sèculos s’òmine at contipigiadu, finas a nde impitare sas propiedades terapèuticas.

Pro cada fotografia b’at un ischeda curtzedda ue bi sunt sas caraterìsticas printizipales.

A custa mustra l’amus postu  CHE A SA MANU DE DEUS: sunt ses paràulas chi naramus cando leamus carchi cosa, o nos utzamus carchi cosa, chi nos sanat, e mègius de cussu non nos podet fàghere nudda…

Tando est  CHE A SA MANU DE DEUS…