Gonnesa, Sàrdara e Biddaramosa: Antonella Sorace presentat “Su bilinguismu sardu

 

bilinguismu creschet, bertula antiga, regione sardegna, università edimburgo, antonella sorace, gonnesa, sardara, villaermosa


“Bilinguismu Creschet” est su progetu ordimingiadu dae sa Regione Sardigna cun s’agiudu de s’Universidade de Edimburgu chi at sa punna de TORRARE PARÀULA a sas pregontas de babbos e mamas e maistros chi s’acarant su bilinguismu;

CRÈSCHERE sa connoschèntzia de sos proes de su bilinguismu;

MUSTRARE sas trassas prus de profetu pro agiudare in sa pesadura bilìngue de sos pipios;

ISPAINARE informatziones agiornadas cun sos istùdios internatzionales prus noos subra de su bilinguismu;

PROMÒVERE sas ocasiones de connoschèntzia e cunfrontu intre sas comunidades linguìsticas.

Su progetu at a èssere presentadu dae su Sòtziu Culturale Sa Bèrtula Antiga, cun s’agiudu de sa Comuna de Pula e de sas Comunas sòtzios pro mèdiu de unu seminàriu: “Su bilinguismu sardu – italianu: un privilegio e una grande opportunità”. At a faeddare Antonella Sorace, professoressa ordinària de Linguìstica Acuisitzionale de s’Universidade de Edimburgu, chi at fundadu su servìtziu de informatzione Bililingualism Matters.

 

Sos addòbios ant a èssere in:

– Comuna de Gonnesa, lunis 20 de Maju 2013 a sas 4 de borta de die in sa sala cunvegnu ” S’Ulivàriu”;

– Comuna de Sàrdara, martis 21 de Maju 2013 a sas 5 de borta de die in s’iscola mèdia de Carrera Calabria;

– Comuna de Biddaramosa, mèrcuris 22 de Maju 2013 a sas 9 de mangianu in sa palestra comunale.

 

Su seminàriu, a pustis de sos saludos de sas autoridades, at a tratare de su profetu linguìsticu e cognitivu de su bilinguismu in sos pitzinnos e at a fàghere cumprèndere chi  pesare sos pitzinnos in sardu e in italianu impare donat non duas limbas ebbia ma meda de prus. S’at a allegare peri de s’importu de un’informatzione giusta subra de su bilinguismu in cada setore de sa sotzietade e de su chi sunt ammanitzende in Sardigna cun su servìtziu “Bilinguismu Creschet”.