Pasada – Laboratòriu in limba sarda

Pasada - Asilo

Pasada – Asilo

“S’omineddu de sa pròida”: est su tìtulu de su laboratòriu in limba sarda fatu oe dae s’Ufìtziu de sa Limba Sarda de sa Provìntzia de Nùgoro in s’asilo de Pasada pro 80 pitzinneddos, dae sos 3 a sos 5 annos.

Una paristòria de Gianni Rodari, contada in sardu, pro faeddare de sa falada de sa prena; unu contu ispassiosu pro nde bogare dae sos ogros e dae sa mente de sos pitzinnos sa timoria de s’abba, a pustis de sos momentos malos chi ant coladu sa chida colada.

Atividades de s’ULS de sa Provìntzia de Nùgoro

lodè, lingua sarda, scuola primaria, ufìtziu de sa limba sarda, angelo canu, biblioteca comunale


In su mese de santandria s’Ufìtziu de sa Limba Sarda de sa Provìntzia de Nùgoro at comintzadu una filera de laboratòrios de letura animada in sas iscolas de sa comuna de Lodè – gràtzias a s’agiudu de sa biblioteca comunale – chi ant a agabbare su mese de nadale. Ant a leare parte a sos laboratòrios sos pitzinnos de s’iscola primària.

Sos arrèsonos fatos pertocant su ratzismu, sa discriminatzione e su “bullismu”, totus arrèsonos de atualidade manna. Sunt istados fatos giai bator laboratòrios, fatos dae sa 1^ e dae sa 5^ classe chi ant mustradu a sos pitzinnos e a sas maistras chi in sardu “si podet”!
Sa punna est difatis a mustrare a dischentes e maistras chi su sardu est una limba che a totu sas àteras e chi duncas in sardu podimus allegare de calesisiat arrèsonu e chistione. 

Cursu de formatzione linguìstica

Logo ULS grande.jpg

corso lingua sarda, uls, ufìtziu de sa limba sarda, istituto bellieni di sassari,

 


S’Ufìtziu de sa Limba Sarda de sa Provìntzia de Nùgoro e s’Istitutu Bellieni de Tàtari

presentant

SU 15 DE SANTUGAINE 2013 at a comintzare su CURSU DE FORMATZIONE LINGUÌSTICA
in Carrera Trieste n 14 in Nùgoro, in su Palatzu Petrazzini, in su pianu terra
dae sas tres e mesu a sas ses de sero.

Sas matèrias ogetu de su cursu ant a èssere:

– s’amparu giuridicu de sas limbas de minoria
– Sas normas linguìsticas de riferimentu
– Laboratòriu de iscritura e letura
– Sa literadura in limba sarda, istandard e variedades diatòpicas

Pro sa limba iscrita ant a èssere impreadas sas normas de sa “Limba Sarda Comuna”.
Sos materiales e sos testos ant a èssere frunidos dae sos maistros e dae s’Ufìtziu de sa Limba Sarda.

S’ant a fàghere verificas iscritas cun esertzitzios de grammàtica, tradutziones de documentos, delìberas, artìculos de lege, test e cuestionàrios.
A sa congruida de su cursu at a èssere cunsignadu unu atestadu de partetzipatzione.

Pro pòdere leare parte a su cursu est netzessàriu a cumpilare sa dimanda de iscritzione chi si podet pedire in s’Ufìtziu Limba Sarda de sa Provìntzia de Nùgoro

Pro nde ischire de prus:

– Ufìtziu Limba Sarda Nùgoro, Pratza Itàlia 22 Nùgoro  
tel: 0784/238844
uls.prov.nugoro@gmail.com
www.limbasardanuoro.it

– Istitutu de istùdios e chircas “Camillo Bellieni”, Carrera Maddalena 35 Tàtari
tel/fax: 079/230268
www.istituto-bellieni.it
istitutobellieni@gmail.com

 

Osidde

osidda, cinema, ufìtziu de sa limba sarda, jorgi rusta, comune osidda


Projetzione de su tzìnema ”OIL” e ”S’oro nieddu de sos Moratti OIL secundu tempus” de Massimiliano Mazzotta.

25 de trìulas de su a sas 21.30
Pratzedda Asproni
Osidde
Intrada lìbera
OIL
Itàlia 2009 77′
Regia Massimiliano Mazzotta

In su 1962 in Provìntzia de Casteddu, inaùgurantsa rafineria de su petròliu SARAS, unu progetu chi at chèrfidu dae Ànghelu Moratti, capatze de mudare in giassu de indùstria, unu terrinu pòberu de massariu. Custos 800 ètaros de indùstria ant mudadu s’economia e su logu, ma non petzi custu: dae semper cuadu pro more de su benèssere, su mudòngiu de su logu at cajonadu dae deretu una muta de males, finas mortales, pro neghe de sas emissiones chi noghent a sos dipendentes e a totu sa gente.

26 de trìulas de su 2013
Pratzedda Asproni 
Osidda Intrada lìbera
OIL SEGUNDU TEMPUS – S’ORO NIEDDU DE SOS MORATTI
Itàlia 2011 70′ Libru prus DVD
Regia Massimiliano Mazzotta
Testu: Antoni Caronia

In totu su mundu sos petrolieris sunt in cherta de si mustrare a sa gente in manera positiva. Chi siat ca s’indùstria issoro est de sas prus chi incuinant in su mundu chi intre de issos bi nd’at meda chi sunt meres e isponsor de iscuadras de fùbalu? Imbòligos polìticos internatzionales, e in Itàlia finas ligàmenes cun mundos perigulosos, sinnant su mundu de su petròliu. S’erèntzia de sos Moratti , s’est semper mantesa in bacante intre su de dare cara a su balàngiu, su cunsideru de sa gente, e una manera ùmile de si presentare finas in sos mèdia. Ma cale est su raportu chi tenet cun Sarroch, in su golfu de Casteddu, sea de sa Rafineria SARAS chi est sa bena de sa richesa de sa famìllia. 
A tres annos dae OIL , su documentàriu OIL segundu tempus e su libru S’oro nieddu de sos Moratti sighint su contu de sas dudas e de sas cuntierras a pitzu de su chi cajonat in su logu e in sa salude su chi essit dae sa SARAS, si faeddat finas de sas peleas in sa bursa e in sos tribunales, e de sas mortes malas de sos operajos (s’ùrtima su 13 de abrile de su 2011). Finas a como custa famìllia si l’at àpida, ma ite diat pòdere cumbinare si diat mudare carchi cosa e sas fortunas polìticas de sos Moratti (a manca e a dereta) diant intrare in bassa fortuna.

Ant a faeddare Massimiliano Mazzotta e Giuanne Mossa (Sìndigu de Osidde)

Info: Ufìtziu turìsticu de Osidde tel. 079711004 osiddaturistico@gmail.com
S’ant a pòdere comporare ambos sos tzìnemas e su libru chi acumpàngiat sa segunda parte de su documentàriu

http://www.comune.osidda.nu.it/cominfo/avvisi/avviso.asp?id=35