Torpè: pròroga iscadèntzia domandas 162/98

lege 162 - pròroga

COMUNA DE TORPÉ

PROVÌNTZIA DE NÙGORO

UFÌTZIU DE SOS SERVÌTZIOS SOTZIALES

A V  I S U

LEGE 162/98 – PROGETOS PERSONALIZADOS DE AGIUDU A FAVORE DE SAS  PESSONES CUN DISABILIDADES GRAES

Progetos Noos: pròroga de s’iscadèntzia de sa presentatzione de sas domandas

 

Si dat a ischire chi s’iscadèntzia de sa presentatzione de sas domandas pro ativare progetos noos est istada prorogada. Sas domandas ant a dèpere èssere presentadas non prus a tardu de su 14.09.2015, sinono no ant a èssere ammìtidas.

Sos mòdulos sunt a disponimentu in s’Ufìtziu de sos Servìtzios Sotziales e in su situ www.comune.torpe.nu.it .

 

 

Torpé, su 07.09.2015

 

SU RESPONSÀBILE DE SU SERVÌTZIU

F.tu Ass.  Dut.a Laura Buccheri

 

 

 

Pro iscarrigare s’avisu e sos mòdulos in italianu incarca inoghe

Pro iscarrigare s’avisu in sardu incarca inoghe

Pasada – Tertza letzione de limba sarda

limba-sarda

 

Giòvia a sas chimbe de borta de die in sa Comuna de Pasada b’at a èssere sa tertza letzione de limba sarda.

Si in sa prima letzione amus arresonadu de s’istòria de sa limba sarda  e in sa segunda de leges, de deretos dennegados e de ite est s’istandard e sa LSC , in sa de tres amus a comintzare a bìdere carchi règula de grammàtica e de ortografia pro mustrare de comente sa variante locale  torrat cun sas normas ortogràficas de sa LSC (e duncas sas diferèntzias intre faeddu e iscritura)  e de comente s’una non podet fàghere a mancu de s’àtera  essende chi sunt ligadas a pare a nodu istrintu.

Pasada – Segunda letzione de limba sarda

stemma Posada hd

Giòvia a sas 17.00  in sa comuna de Pasada, b’at a èssere sa segunda letzione de sardu: amus a faeddare de leges, de deretos dennegados e de s’impreu e de s’importu de un’ istandard e de ite est sa Limba Sarda Comuna.

Su cursu est ordimingiadu dae S’Ufìtziu de sa Limba Sarda de s’Arta Baronia e dae sa Pro Loco de Pasada

PASADA – Laboratòriu de iscritura in sardu

stemma Posada hd

S’Ufìtziu de sa Limba Sarda de s’Arta Baronia, cun su patrotzìniu de sa Comuna de Pasada e de sa Pro Loco de Pasada, est ammanitzende pro su mese de maju unu laboratòriu de iscritura in sardu chi at a èssere fatu in sa sala consiliare de sa Comuna.

A su laboratòriu si bi podet marcare chiesisiat, est a s’in donu, e at a èssere fatu cada giòvia dae sas 5 a sas 6 de su sero.

 

 

Chie si cheret marcare podet:

  • Imbiare una mail a uls.lode@tiscali.it cun nùmene, sambenadu, nùmeru de telefoneddu e posta eletrònica

 

  • Bènnere a si signare in Comuna su martis dae sas 8 a sas 13 o sa giòvia dae sas 15.30 a sas 18.30

 

  • Chircare a Giusy Putzu in Comuna

 

Inoghe podides iscarrigare sa domanda de iscritzione

Ufìtziu Limba Sarda Alta Baronia

LOGO ULS 2015

Torrat a abèrrere s’Ufìtziu de sa Limba Sarda de s’Arta Baronia

Sos oràrios

Lodè: su lunis dae sas 08 a sas 14 e chenàbura dae sas 16 a sas 19

Posada: su martis dae sas 08 a sas 13  giòvia dae sas 15 a sas 18

Torpè: su mèrcuris dae sas 08 a sas 13 e su martis dae sas 15 a sas 18