Novas dae sa Provìntzia de Casteddu

 

 

limba sarda, lingua sarda, università, scuola, provincia cagliari

Chirchende novas subra sa limba sarda a bortas capitat de imbucare iscritos chi parent chi ti illebiant su coro: sa Provìntzia de Casteddu cheret finantziare progetos pro sa “PROMOTZIONE E VALORIZATZIONE DE SA CULTURA E DE SA LIMBA DE SA SARDIGNA”. Siat progetos pro sas iscolas siat progetos pro s’universidade, cuforma sa L.R. 15 de santugaine 1997, N. 26 ARTT.17 E 20. Ite cosa bella!

 

 

 

Su bandu est istadu fatu dae su Setore Polìticas Culturales – Ufìtziu Limba e Cultura Sarda. Ite cosa bella: LIMBA e non Limbas, CULTURA e non culturas…

 

 

 

Sighinde a lèghere però su coro cumintzat a èssere semper prus pagu lèbiu:

 

IL CONSIGLIO PROVINCIALE, CON DELIBERA N° 17 DEL 17/03/2010 HA ADOTTATO UFFICIALMENTE LA NORMA CAMPIDANESE CONTENUTA NEL VOLUME “ARRÈGULAS PO ORTOGRAFIA, FONÈTICA, MORFOLOGIA E FUEDDÀRIU DE SA NORMA CAMPIDANESA DE SA LÌNGUA SARDA”. SI INVITANO PERTANTO LE SCUOLE, QUALORA I PROGETTI PRESENTATI INCLUDANO LA PREDISPOSIZIONE DI TESTI IN LINGUA SARDA, A VOLERSI ADEGUARE A DETTA NORMA.

 

e in s’àteru bandu:

 

IL CONSIGLIO PROVINCIALE, CON DELIBERA N° 17 DEL 17/03/2010 HA ADOTTATO UFFICIALMENTE LA NORMA CAMPIDANESE CONTENUTA NEL VOLUME “ARRÈGULAS PO ORTOGRAFIA, FONÈTICA, MORFOLOGIA E FUEDDÀRIU DE SA NORMA CAMPIDANESA DE SA LÌNGUA SARDA”. SI INVITANO PERTANTO LE UNIVERSITA’, QUALORA I PROGETTI PRESENTATI INCLUDANO LA PREDISPOSIZIONE DI TESTI IN LINGUA SARDA, A VOLERSI ADEGUARE A DETTA NORMA.

 

 

 

Ma comente? Non fiat custa gente chi istaiat murrungende sa prepotèntzia de sa Regione ca at chèrfidu impreare una limba istandard? Non fiat sa matessi gente chi naraiat chi sa Regione non daiat sa possibilidade de isseberare cale limba impreare? Non fiat custa gente chi bidiat “sas normas de referèntzia a caràtere isperimentale pro sa limba sarda iscrita, in essida, de s’Amministratzione regionale” che a una “bariedadi no beni crara, traballosa ca no fait a a dda imparai chistionendi ca no dda chistionant in nisciunu logu, no fait a dda impari nimancu ligendi e scriendi ca no tenit literadura, ni gramàtigas ni ditzionàrius“? Non fiat custa gente chi naraiat “totu is sardas e is sardus depint essi arrapresentaus, cun is bariedadis naturalis insoru, su campidanesu, chi s’agatat scritu giai de su 1089 (Carta Calaritana) e su logudoresu, chi s’agatat scritu giai de su 1113 (donu de Santu Nigola de Trullas)”? Non fiat custa gente chi naraiat chi “in totu su Mundu funt meda is logus chi is istitutzionis ant scioberau po ddas imperai de manera ofitziali duas bariedadis de sa pròpiu lìngua o fintzas duas linguas diferentis. Aici est in Svìtzera, in Norvègia, e cun atras lìnguas cumenti su ladinu dolomìtigu, su serbu-croatu, su cecu-slovacu e aici nendi.”.

 

 E tando si est beru (comente narat custa gente) chi sas variedades in Sardigna sunt duas e chi su sardu non tenet unidade, non sunt deneghende a sas iscolas e mescamente a s’Universidade (e a totus sos operadores “logudoresofonos”) sa possibilidade de impreare una variedade “logudoresa”?

 

Sighinde su chi narat custa gente, chi sas variedades de limba sarda sunt duas, semus faeddende de unu casu de discriminatzione!!!

Inoghe nos devimus pònnere de acordu: si sa Regione proponnet un’istandard est violèntzia contra a sas “variedades naturales”, si lu proponnet imbetzes sa Provìntzia de Casteddu est “amparu de sa limba”?

 

Inoghe sos contos non torrant

 

 

 

 

 

 

Ah, s’ùrtima cosa. Sos nùmenes de sa gente e de grupos de majoria de su consìgiu provintziale:

Partito Democratico Presidente: Delunas Stefano

 

– Sinistra Ecologia e Liberta’ Presidente: Andrea Dettori

 

– Uniti per Milia Presidente: Soggiu Annarita

 

– Federazione della Sinistra Presidente: Ignazio Zuddas

 

– Rosso Mori Presidente: Antonio Atzori

 

– Italia dei Valori Presidente: Omar Zaher

 

 

 

 Rosso Mori: Antonio Atzori? Cuddu de su “CUNTRATU CUN IS SARDAS E CUN IS SARDUS”? Ma custos de sos “Rosso Mori” non fiant pro una limba ebbia?

 

 

Novas dae sa Provìntzia de Castedduultima modifica: 2012-05-30T14:41:45+02:00da angelocanu76
Reposta per primo quest’articolo

2 pensieri su “Novas dae sa Provìntzia de Casteddu

I commenti sono chiusi.