Lodè – Letziones in limba sarda

IMG_5024.JPGIMG_4930.JPG

IMG_4934.JPG

IMG_4941.JPG

IMG_4951.JPG

IMG_4945.JPG

IMG_4946.JPG

IMG_4957.JPG

IMG_4974.JPG

IMG_4979.JPG

IMG_4976.JPG

IMG_5017.JPG

 

 

Sa Comuna de Lodè paris cun su CEAMAL, s’Ufìtziu de sa Limba Sarda e su sòtziu “Adotta un Albero”, ant ammanitzadu una filera de mustras in “Sa domo de tzia Rofoella”, domos antigas repathadas cun contributos regionales.

Si podet intrare (sena pagare) fintzas a su 30 de ghennàrgiu: in intro bi sunt unas cantas mustras de artesania (terra, pedde, linna e pintura),  e una de trastos antigos de campu.

Sàpadu coladu e in die de oe sunt giai bènnidas tres classes a bisitare sas mustras; in antis de intrare a sas domos amus passigiadu in su tzentru istòricu de Lodè, faeddende in limba sarda de istòria, arte, architetura, ingegneria idràulica, cultura e traditziones de sa bidda.

Sas letziones sunt istadas agradèschidas dae pitzinnos e mastras: sas collaboratziones ant a sighire fintzas in sos meses imbenientes.

Si torrat gràtzias a sos mastros de artesania Federica Basile, Antonietta Mele, Paolo Farris, Cecilia Farris, Lucio Farris, Giuseppe Nanu, Carluzzu Sanna e totu sa gente chi est donende sos trastos de sa mustra.

Seis totu invitados a bìsitare “Sa domo de tzia Rofoella”

Lodè – Letziones in limba sardaultima modifica: 2013-01-14T21:41:00+01:00da angelocanu76
Reposta per primo quest’articolo