In Oroteddi sos pitzinnos chistionant e iscrient in sardu – Sas fotos

Dae sas paràulas a su contu

Sa fantasia de sos pitzinnos nos lassat semper a buca aberta, ca curret in milli àndalas e sighit milli imbentos. E gasi etotu oe, in Oroteddi, sos pitzinnos de sa tertza e de sa cuarta elementare ant lassadu  faeddare e iscrìere s’imbentoria issoro. Pro more de su laboratòriu ammaniadu dae s’Ufìtziu de sa Limba Sarda de sa Provìntzia de Nùgoro, sos piseddos ant giogadu a iscrìere in sardu. In antis ant chircadu de ammentare paràulas chi lis colaiant in mente e a pustis cun sas matessi paràulas ant iscritu bator contos: unu comintzat cun sa fura de una berbeghe a su pastore Ninu, un’àteru faeddat de sa gatu Dàriu chi at tènnidu unu pugione, s’àteru de unu compare chi fiat andadu a comporare sos “culurzones” e de unu re e de una reina chi s’istimaiant. S’ùrtimu contat imbetzes de unu pugione chi s’est “pèrdidu in sa nèula bianca che su late”.
Una bella die de laboratòriu in sardu, pro s’allegria de pitzinnos, maistras e operadore de s’ULS.

Angelo Canu

IMG_8765IMG_8764

IMG_8766 IMG_8767 IMG_8768 IMG_8769 IMG_8770 IMG_8771 IMG_8772 IMG_8773 IMG_8775 IMG_8776 IMG_8777 IMG_8778 IMG_8779 IMG_8781 IMG_8782 IMG_8783

 

In Oroteddi sos pitzinnos chistionant e iscrient in sardu – Sas fotosultima modifica: 2013-12-03T21:30:23+01:00da angelocanu76
Reposta per primo quest’articolo

Lascia un commento