Progetu Assistèntzia a domitzìliu – 19 Comunas de sa Provìntzia de Nùgoro

progetto home care premium, siniscola, macomer, lodè torpè, posada

 

In sas Comunas de su Mandamentu de Thiniscole

(Garteddi, Irgoli Locula, Lodè, Oniai, Orosei, Pasada, Thiniscole e Torpè)

e de su Mandamentu Sanitàriu de Macumere

(Bìroro, Golothene, Borore, Bortigale, Duarche, Lei, Macumere, Noragùgume, Silanos e Sindia) 


pro iscarrigare su pdf:

http://www.comune.lode.nu.it/docs/cultura/24/hcp_lode_posada_torpe.pdf

http://www.comune.torpe.nu.it/docs/cultura/17/hcp_lode_posada_torpe.pdf

Thiniscole – SOS PITZINNOS CONTANT “SA DIE”

 

sa die de sa sardigna, luisi ozanu, regione sardegna,


SA RIVOLUTZIONE SARDA


Sàpatu, su 27 de abrile de 2013 a sas 17,30

 

Àula Magna de s’ITCG Luisi  Ozanu

 

 

Progetu fatu cun sa partetzipatzione de sa Regione Autònoma de Sardigna

 L.R. 44/93 “Sa die de sa Sardigna”

 

In viazu – Askra

musica sarda, askra, in viazu, thiniscole, siniscola, limba sarda, lingua sarda, rock

Neune si pessat de poter ischire sos viazos chi ischertas in vita tua. Arrumban in conca mamentos de sole, sa vera richesa de s’animu. E si nch’intenden sos sonos de sos ammentos, de oras colatas impare, lestros andejos si pistan e sinnos issutta e sos ventos son malos de pesare a bolu.

Su bator de lampadas s’iden laores son frores in sos campos chi naschin e chircan pache in su fritu ‘e jannariu in uve s’abba est prus lepia de viere.

Non si che morin sas frammas de su chi amus poitu rider, prantos istracos de ‘etzos chi an gana de contare, son prejoneris de annos in peddes e concas anzenas, mestos in coro e chentze libertade cumprendimos su chi nos arrumbat de sa zente chi no ‘urat sentimentos e in aghera si pesat chin sa conca zirata a chirru ‘e oriente, entu ch’imberghet custas fozas chi si pasan cando an a tzapare unu presente chi malos sonnos istajet in dies de pessamentos e jocos li torret galu.

Damus a sa terra sos travicos lentos e issa lepia in gloria ti jucat. Nos catzat su fritu dae onzi carena, in conca calores de vivitu. Ja ‘achen lestras sas umbras a si nc’andare sichinde viazos de omines, ma sas chi istentan in gana de arrumbare ideas chi nos istringhen sa manu. Manu secare cussentzia colata no artzian pro poter difendere; salutan istradas e mamentos de sole: sa vera richesa de s’animu.

Non si che morin sas frammas de su chi amus poitu rider, prantos istracos de ‘etzos chi an gana de contare, son prejoneris de annos in peddes e concas anzenas, mestos in coro e chentze libertade cumprendimos su chi nos arrumbat de sa zente chi no ‘urat sentimentos e in aghera si pesan chin sa conca zirata a chirru ‘e oriente, entu ch’imberghet custas fozas chi si pasan cando an a tzapare unu presente chi malos sonnos istajet in dies de pessamentos e jocos li torret galu.

A Stefano Cara – Tenore Ususule de Thiniscole

stefano.JPG

Isteveneddu caru amicu nostru
Ascurta dae su chelu custu cantu
Nos’as dassatu in ocros de prantu
Chin tristura e chin su coro affrantu…

Chin sa cara sempere sorridente
Illuminaisi sa die a sa zente
Mustrande bonu coro a tottu cantos
I’sempere prontu pro sos cumpanzos…

As mantesu sempere sas traditziones
De cust’isula nostra sardinnola
Su jocu a sa murra e sos tenores
Cantande in sas festas e in’iscola…

Commo canta dae su Paradisu
Che anzelu divinu dae s’artura
A su chelu andatu in zoventura 
Pro unu jocu maccu e su destinu…

Pruite de sa morte s’arrivare 
Non s’ischiti su minutu,ora e die
A decheott’annos t’ata cherfitu picare
Vaula parete chi es toccatu a tie…

E pro su tuo calorosu amore
Meritatu ti sese tantu onore
T’ana connottu istranzos e paesanos
Commo pasa in sos eternos Chelos…

Resumu subra su cunvegnu “Cada dei limba, trassas de comunicaztione”, Madrid 23 de làmpadas de su 2012

locandina trassas.JPG

Su Sòtziu Tzìrculu Sardu Ichnusa de Madrid, cun s’agiudu de Regione Autonoma de sa Sardigna – Assessoradu a sa Cultura Setore Limba Sarda e s’ Istitutu Autònomu Sardu Fernando Santi, at ammanitzadu pro su 23 de làmpadas de su 2012 in su Salone de su Comites, c/ Agustin de Betencourt 3, Madrid s’adòviu CADA DIE LIMBA, TRASSAS DE COMUNICATZIONE, unu cunvegnu subra sas realidades de sa limba sarda in sos mèdios massivos e de comunicatzione in su 2012 e pro cumprèndere ite si podet e si devet fàghere pro megiorare sa situatzione de su sardu in su tempus benidore. Su cunvegnu at mustradu traballos in sardu de profetu in sos diferentes setores de sos mèdios massivos e de sa comunicatzione: in sa mùsica, in internet, in s’imprenta (giornales), in s’editoria (libros), in sa ràdiu, in sos archìvios Rai e in sa televisione. In prus su dirigente RAS Pepe Coròngiu at faeddatu de “Istereòtipos, pregiudìtzios e logos comunes in sa polìtica linguìstica in Sardigna” e ant presentadu su libru in limba ispanniola “NOTAS DE SINTAXIS SARDA – El sardo confrontado con otras lenguas romànicas” e su “Cursu Initziale de Limba sarda virtuale, Livellu Initziale e Livellu Mesu” de Xavier Frias Conde. Su cunvegnu est cuncruidu cun su monòlogu in limba sarda “BACHISIO SPANO” retzitadu dae Giovanni Carroni.

Custu fiat su programma

11,00 – Comintzat sos traballos Presidente Circolo Sardo Ichnusa, Gianni Garbati

11,10 – Giacomo Serreli, ghiat sos traballos

11,15 – Saludos de s’Assessore a sa Cultura Regione Sardigna, Sergio Milia

11,35 – Saludos de su Presidente Istitutu Fernando Santi Sardegna, Pier Paolo Cicalò

11,45 – Giuseppe Corongiu, “Istereòtipos, pregiudìtzios e logos comunes in sa polìtica linguìstica in

Sardigna”

12,00 – “Giacomo Serreli, “Sa limba dae su vinile a s’era de su download”

12,15 / 12,45 PÀUSU

12,45 – Angelo Canu, “Sa limba sarda in sas @ndelas de internet. Facebook, blog e sitos istitutzionales

de sas Comunas de Lodè, Torpè e Pasada”

13,00 – Michele Ladu, “S’Unione in sardu, mese cun mese sas novas de s’Unione Sarda, su sardu

impitadu in s’imprenta”

13,15 – Màriu Antiogu Sanna, “Diàriu Sardu e Noas de Sardigna: comente un’emitente radiofònica

podet dare/fàghere, informatzione, cultura e atualidade in sardu prò mèdiu de sa ràdiu e sa retza

internet (sa realidade de Radio Planàrgia e de su giassu suo)”

13,30 / 14,45 PÀUSU

14,45 – Cristina Maccioni, “Radio Rai Sardegna, dae sos archìvios a su Web”

15,00 – Mariantonietta Piga, “Sardu e mèdios de comunicatzione”

15,15 – Xavier Frias Conde, Presentatzione de su libru in limba ispanniola, “NOTAS DE SINTAXIS SARDA,

el sardo confrontado con otras lenguas romànicas”, e, “Cursu Initziale de Limba sarda virtuale, Livellu

Initziale e Livellu Mesu”

15,30 – Francesco Cheratzu, “Editoria in limba, problemas e isetu”

15,45 – G. Serreli, cunsideros e preguntas de sa gente

16,15 – G. Garbati, Ringratziamentos e saludos de serrada de s’addòbiu

16,25 / 17,00 PÀUSU

17,00 – Monòlogu, in limba, Giovanni Carroni rètzitat “BACHISIO SPANO”, adatamentu liberu leadu dae

“Un anno sull’altopiano” de Emilio Lussu. Ghia de Marco Parodi.

18,00 Aggabu

Sa relata de Anzelu Canu la podides isgarriare in sos sitos

http://www.comune.posada.nu.it/docs/cultura/15/sa_limba_in_sas_ndelas_de_internet.pdf

http://www.comune.lode.nu.it/docs/cultura/24/sa_limba_in_sas_ndelas_de_internet.pdf

http://www.comune.torpe.nu.it/docs/cultura/17/sa_limba_in_sas_ndelas_de_internet.pdf

http://ulsaltabaronia.myblog.it/archive/2012/06/27/sa-limba-sarda-in-sas-ndelas-de-internet-facebook-blog-e-sit.html