Iscritu dae Austinu Sanna Mandamentu IX   

foto 2009 Max.Oppo

Nuoro – Su Dirigente de su Setore Servìtzios Culturales, Educatzione e Isvilupu Econòmicu dat a ischire chi sunt abertos sos tèrmines pro presentare sas domandas pro sos cadderis chi cherent partetzipare a sa de 113 editziones de sa Sagra de su Redentore.

Sas domandas cherent cumpiladas impreende sos mòdulos apòsitos e alleghende sa documentatzione netzessària. Sas domandas depent arribare petzi a s’Ufìtziu de su Protocollu de sa Comuna de Nùgoro, carrera Dante, 44 – 08100 Nùgoro (oràrios: dae su lunis a sa chenàbura 10.30 -13.00 e martis a borta de die 15.30 – 17.00) intro sas h. 13.00 de su 28 de Làmpadas de su 2013. Contat sa data de arrivu a su Protocollu.
Sos mòdulos sunt a disponimentu in s’Ufìtziu de su Turismu de sa Comuna de Nùgoro in carrera Dante, 44 (dae su lunis a sa chenàbura h. 9.00 -13.00) in su situ internet de sa Comuna de Nùgoro: www.comune.nuoro.it o in custu situ.
Sas domandas chi arribant foras de su tèrmine o chi sunt istadas imbiadas innantis de pubblicare su presente avisu no ant a èssere cunsideradas.
Sa Responsabile de su protzedimentu est sa dut.ssa Stefània Pinna
Informatziones
Si podent preguntare àteras informatziones a s’Ufìtziu de su Turismu de sa Comuna de Nùgoro dut.ssa Stefània Pinna telefono 0784/216798 – posta eletrònica: turismo@comune.nuoro.it 
Tratamentu de sos datos personales
Cunforma a s’art. 13, comma 1, de su D. L. 30 de Làmpadas 2003, n. 196, sos datos intregados dae sos partetzipantes ant a èssere collidos in sa Comuna de Nùgoro pro sos iscopos de custu protzedimentu e a pustis ant a èssere tratados pro sos iscopos e pro su cumprimentu de sas manifestatziones. 

iscàrriga s’avisu

iscàrriga su mòdulu de domanda

iscàrriga su disciplinare 2013

dae http://www.limbasarda.nuoro.it/avisos/476-su-redentore-2013-abertas-sas-iscritziones-pro-sos-cadderis.html