‎Ammentu de Giuanne Frantziscu Pintore

pintore

 

Su 24 de cabudanni est sa data chi, in su 2012, est mancadu, a sa famìlia e a sos amigos, Giuanne Frantziscu Pintore, giornalista e iscritore, militante distintu de sa càusa natzionale sarda.

In ocasione de su de 3 anniversàrios, chenàbura 25-9-2015, nos amus a addoviare in Tonara, bidda in ue GF Pintore est istadu cun sa famìlia sua dae su mese de cabudanni de su 1984 a su mese de cabudanni de su 1987.

Comente amus fatu s’annu passadu in Pasada e, como duos annos, in Nùgoro, nos addoviamus
pro s’AMMENTU DE GIUANNE FRANTZISCU PINTORE (ed. 3/2015), faeddende de Giuanne Frantziscu Pintore e de s’òpera sua,
ma finas de su tema “Su voluntariadu linngùisticu pro s’afortimentu de su sardu”.

Invitamus sos amigos de GF Pintore e de sa limba sarda a èssere presentes.

At a èssere presente sa famìlia.

> A sas 6 de sero, su 25-9-2015, TONARA

(Su locale in ue faghimus s’addòviu lu comunicamus carchi die in antis de su 25-9-15)

Organizant:
— Prèmiu GF PINTORE
— EJA rivista
— Sotziedade pro sa Limba Sarda

Bos isetamus

Diegu Corràine.

BABEL FILM FESTIVAL

Facebook-Babel-Copertina-Soluz-2
Bos ammentài ca est on-line su bandu de sa de bator editziones de su BABEL FILM FESTIVAL > www.babelfilmfestival.com
BABEL FILM FESTIVAL est su primu cuncursu cinematogràficu chi cheret valorizare e promòvere su cinema de sas minorias linguìsticas, donende boghe a sas istòrias issoro, a sa cultura issoro, in sa LIMBA issoro. Su cuncursu est riservadu a òperas tzinematogràficas in sas cales sos diàlogos e sos testos siant in una limba de minoria, dialetu, slang, limba morta o in sa limba de sos sinnos.
BABEL FILM FESTIVAL tenet comente finalidade sa de favorèssere su cunfrontu e iscàmbiu culturale intre de sas comunidades chi si reconnoschent in una minoria linguìstica.
BABEL FILM FESTIVAL cheret ofèrrere a totu sos autores sa possibilidade de dare visibilidade a sos film issoro e boghe a sas limbas issoro.
BABEL FILM FESTIVAL est divididu in tres setziones:longumetràgiu, curtzumetràgiu, documentàriu.
Sa partetzipatzione a su cuncursu est gratis e aberta a totus, senza làcanas de edade e de natzionalidade.
Sas ùnicas cunditziones pro pòdere partetzipare sunt sa limba de sos testos e de sos diàlogos, chi depet èssere espressione de una minoria linguìstica, culturale o sotziale. Sa limba de minoria depet èssere presente in a su mancu su 50% de diàlogos e testos. Sas òperas depent èssere sutatituladas de preferèntzia in italianu o si nono in inglesu.
Iscadèntzia: 20.09.2015

Torpè – Avisu de bandu pro Bursa de istùdiu

Bursa de istùdiu

 Comuna de Torpè – Provìntzia de Nùgoro

Assessoradu a sa Cultura e a sa P.I.

Prata de su Munitzìpiu, 10 08020 Torpè – Tel. 0784-1825815– fax 0784- 829008

 

 

S’AMMINISTRATZIONE COMUNALE

PROMOVET

BANDU PRO ASSIGNARE SAS BURSAS DE ISTÙDIU PRO SOS       ALUNNOS MERESCHIDORES

A.I. 2014/2015

 

 

 

PRO SOS ALUNNOS DE S’ISCOLA PRIMÀRIA CHI ANT  OTÈNNIDU SA LITZÈNTZIA (5^ ELEMENTARE) NESSI CUN SA MÈDIA DE SU NOVE (9);

PRO SOS ALUNNOS DE S’ISCOLA SEGUNDÀRIA DE I GRADU CHI ANT OTÈNNIDU SA LITZÈNTZIA MÈDIA CUN SU VOTU FINALE NESSI DE SU NOVE (9);

PRO SOS ALUNNOS DE S’ISCOLA SEGUNDÀRIA  DE II GRADU CHI ANT TÈNNIDU SA MÈDIA NESSI DE SU SETE E MESU (7,5)

RECHISIDOS E AVERTIMENTOS

1. Tocat a presentare s’autotzertificatzione cun su votu  e s’istitutu frecuentadu

2. Tocat a presentare sa domanda compilende su modellu giai ammanitzadu dae sa Comuna (si podet iscarrigare dae su situ internet de sa Comuna); su modellu depet èssere compiladu a manera cumpleta;

3. Totu sos documentos depent èssere presentados e indirirtzados a : COMUNA DE TORPÈ – Ufìtziu de           Segreteria Generale – Prata de Munitzìpiu, 10 08020 Torpè (NU) o cunsignados a manos a s’Ufìtziu de          Protocollo

SU BANDU ISCADIT SU 30 DE CABIDANNI DE SU 2015

 

pro iscarrigare s’avisu in sardu incarca inoghe

pro lèghere s’avisu in italianu e iscarrigare su mòdulu incarca inoghe