III Editziones de su Cuncursu Literàriu in prosa “Pabàriu”

Locandina Pabàriu.jpg

Sos Comunes de Bonàrcadu, Paule e Fordongianus bandint
sa de tres editziones de su Cuncursu literàriu “Pabàriu”.
Podent partetzipare totu sos chi ischent iscrìere unu contu in
limba sarda in cale si siat variedade.
Su cuncursu est partzidu in duas setziones:
– Una pro sos mannos
– Una pro sos giòvanos dae 9 a 16 annos chi podent
partetzipare a sa sola o in grupu pro contu de sa
biblioteca issoro.
In prus sos pintores podent partetzipare a sa setzione
ispetziale “Unu cuadru pro Pabàriu”
Pro totu sas informatziones castiai su bandu in sos zassos
de sos tres comunes.

Regulamentu :
1) A su cuncursu Pabàriu podent leare parte siat sos iscritores, mandende contos cunforma a su regulamentu chi sighit, siat sos pintores mandende òperas chi podent èssere impreadas pro sa copertina de su libru cun sos contos de ocannu.
2) Su cuncursu literàriu est partzidu in duas setziones:
a- I setzione: pro sos pitzinnos de sas classes 4^ e 5^ de sas elementares e pro cussos de sas Iscolas Mèdias, dae sos 9 a sos 16 annos, chi podent aprontare unu contu in limba sarda partetzipende cunforma a custas Categorias:
– Categoria “Iscridores giòvanos” chi ant a iscrìere pro contu issoro a sa sola.
– Categoria “Ispetziale bibliotecas” est a nàrrere in grupos de traballu pro sa biblioteca de bidda issoro;
b- II setzione: pro totus sos chi cherent aprontare unu contu in limba sarda.
3) A su cuncursu podent leare parte totus sos chi ischint iscrìere unu contu in sardu in cale si siat variedade
4) Su tema de su cuncursu est lìberu pro ambas duas sas setziones.
5) Sos elaborados, iscritos a computer in fòllios A4, depent èssere longos dae sas 2 a sas 3 cartellas pro sos chi partètzipant a sa I setzione; dae sas 3 a sas 8 cartellas pro sos chi partètzipant a sa II setzione. Sas cartellas depent èssere de 40 rigas cada una.
6) Pro partetzipare a su cuncursu non tocat a pagare nudda.
7) Sos contos non depent èssere mai essidos e non depent àere mai partetzipadu a àteros cuncursos literàrios, e mancu a sas àteras editziones de custu cuncursu matessi.
8) Sos elaborados depent èssere presentados in bator còpias e èssere postos in forma anònima a intru de una busta manna in ue si depet iscrìere finas sa setzione. A intru de custa busta manna, in un’àtera busta serrada a banda, si depent iscrìere sas generalidades de s’autore, indiritzu, nùmeru de telèfonu, indiritzu de posta eletrònica e una decrarada a subra de sa paternidade de s’òpera.
9) Sos elaborados si depent finas mandare cun posta eletrònica a custu indiritzu:
limbasarda.bonarcadu@gmail.com
10) Sos elaborados depent arribare cun posta racomandada A/R a intru de su 03 de cabudanni 2012 a cust’indiritzu:
CUNCURSU LITERÀRIU IN PROSA “Pabàriu”
COMUNE DE BONARCADO
CORSO ITALIA n.140 – 09070 BONARCADO (OR)
11) Sos elaborados presentados a su cuncursu no ant a èssere torrados a sos autores e ant a èssere publicados dae sos Comunes chi ant promòvidu custa initziativa.
12) Una cummissione titulada, at a giudicare sos elaborados de sas duas setziones dende unu giudìtziu sena de apellu.
13) Ant a èssere premiados sos primos tres classificados de cada setzione; sa giuria podet finas dare mentziones ispetziales.
14) Sos prèmios, (atestados de mèritu e targas) ant a èssere dados a sos binchidores in sa manifestatzione de acabu de su cuncursu chi at a èssere fata in Bonàrcadu in su mese de Santu Gaine de su 2012.
“Unu cuadru pro Pabàriu” setzione noa de su cuncursu pro sos chi cherent aprontare una òpera gràfica.
15) Ocannu una setzione noa de su cuncursu, pensada pro sos chi cherent aprontare una òpera gràfica (disènniu o tàula pintada a tènnica lìbera) leande ispiratzione dae su tìtulu “Pabàriu”. A custa setzione chi si narat “Unu cuadru pro Pabàriu” podent partetzipare totus bartzis chi sighint custas règulas:
– S’òpera gràfica depet èssere mandada in formadu fotogràficu ebbia de tipu Jpeg a craresa manna, o PDF – a intre de sa matessi die( 3 de cabudanni 2012), e a su matessi indiritzu de posta eletrònica chi amus nadu in antis.
– S’ogetu de sa mail depet portare iscritu “Unu cuadru pro Pabàriu” a prus de su tìtulu de s’òpera chi depet èssere fotografada sena de sa curnisa. In sa matessi mail si depent mandare finas totus sos datos de s’autore.
– Sa cummissione at a dare una targa in prèmiu a sa figura prus de judu intra de cussas arribadas, custa diat a pòrrere diventare sa copertina de su libru cun sos contos de ocannu. E s’at a detzìdere si publicare sas àteras òperas puru a intro de su libru.
16) Cherinde sos artistas podent batire s’òpera originale sa die de sa premiatzione, sas òperas ant a èssere apicadas pro ddas ammustare a totus e
a pustis torradas a sos meres issoro.
17) Còpia de custu bandu si podet lèghere e iscarrigare dae sos giassos internet de sos Comunes: www.comune.paulilatino.or.itwww.comune.bonarcado.or.it
www.comunefordongianus.it