FOLS, Formatzione de sos Operadores de sa Limba Sarda

regione sardegna, fols, formatzione operatores limba sarda, limba sarda, lingua sarda


Tèngio su praghere de t’informare chi amus cuncordadu, paris cun sa Sotziedade Cooperativa L’Altra Cultura de Aristanis, afidatària de s’aparitzu de sa faina, unu cursu de formatzione/agiornamentu a indonu de is operadores de sa limba sarda (F.O.L.S.) chi potzat serbire finas pro cumpilare un’elencu a disponimentu de s’assessoradu de operadores ativos e professionales. Difatis, paris cun is àteras carreras de interventu pro s’avaloramentu de sa limba sarda, amus pensadu chi esseret utilosu a contivigiare fintzas sa formatzione/agiornamentu de is operadores de sa limba sarda, chi sunt s’interfache atziva intre sa polìtica linguìstica regionale e is comunidades de is faeddadores. E in prus, deo, apo semper pensadu chi sos titulares de ufìtzios linguìsticos siant oe s’ischina bera de su movimentu linguìsticu.

Nd’amus pòdidu istantargiare totu custu gràtzias a s’art. 4, comma 40, de sa L.R. 15 de martzu 2012, n. 6, e a sa Deliberatzione de sa Giunta Regionale n. 32/66 de su 24/07/2012. S’initziativa, chi si balet pro onni mòdulu de su cuntributu de giudu de dotzentes de esperièntzia manna, s’at a fàghere in Santa Cristina de Paule, cunforma a su programma e a su calendàriu alliongiados, incumentzende dae lunis 21 de ghennàrgiu fintzas a lunis 4 de martzu 2013.

Sunt a disponimentu chentu pòssibiles iscritziones cun prioridade pro sos operadores de sos ufìtzios e, si nd’abarrat, finas pro aspirantes operadores. No amus a pòdere rembursare sos gastos de viàgiu, ma podimus cumbidare ogni die de formatzione su pràngiu.

Cale si siat àteru informu si podet preguntare a su n. 349.6025986 e a sa postel  altracultura@tiscali,it e a Antonello Garau chi est su coordinadore de s’initziativa.

 

F.O.L.S. (Formatzione de is Operadores de sa Limba Sarda)

PROGRAMMA

 

Nùmeru atòbiu

Data

Argumentu

Dotzentes

 

1

21.01.2013

Sa realidade sotziulinguìstica de sa Sardigna e su ruolu de is operadores

Giuseppe Corongiu

Alessandro Mongili

Coòrdinat: Antonio Ignazio Garau

 

 

2

28.01.2013

S’amparu giurìdicu de is limbas e de is minorias linguìsticas

Guglielmo Cevolin

Giuseppe Corongiu

Marco Stolfo

Coòrdinat: Maria Antonietta Piga

 

3

04.02.2013

Istandard regionale e variedades diatòpicas

Cristiano Becciu

 

Diego Corraine

Coòrdinat: Antonio Ignazio Garau

 

4

11.02.2013

Su reconnoschimentu polìticu-sotziale de sa limba sarda

Vito Biolchini

Vittorio Dell’Aquila

Michele Pinna

Coòrdinat: Antonio Conti

 

5

18.02.2013

Su reconnoschimentu iscientìficu de sa limba sarda

 

Michele Contini

Gabriele Iannàccaro

Coòrdinat: Marinella Marras

 

6

04.03.2013

Is normas linguìsticas de riferimentu

Cristiano Becciu

Xavier Frias Conde

Gianni Muroni

Coòrdinat: Salvatore Sarigu

 

 

Santa Cristina de Paule (Aristanis) – S.S. 131, km 114

Sala de is cunvegnos

 

Oràriu de is letziones

A mangianu: 09.00 – 13.00

A borta de die: 15.00 – 19.00