Presentada de libru – Grammàtica de sa Limba Sarda Comuna

Màriu Demontis, Càrula Casula, Istèvene Chessa, Salvatore Patatu, Bèrtulu Porcheddu, MARTIS , GRAMMàTICA DE SA LIMBA SARDA COMUNA,


GRAMMàTICA DE SA LIMBA SARDA COMUNA 

MARTIS 24/05/2013 (17,30)

Sa Consulta Giovanile e su Comunu di Martis, umpare a sa revista culturale in limba sarda “Logosardigna”, ammàniant pro su 24/05/2013, a oras de sas 17,30, in s’àula Cunsiliare de su Comunu di Martis (Viale Trieste 1), sa presentada de sa “Grammàtica de sa Limba Sarda Comuna”. Su volùmene at a èssere presentadu dae Bèrtulu Porcheddu (Autore) e Salvatore Patatu (Iscritore). In s’andera de sa serantina sos poetas Istèvene Chessa de Tissi, Càrula Casula de Macumere e Màriu Demontis de Ossi ant a nàrrere unas cantas poesias.

Sa limba e s’ànima

 

IMG_3859.JPG


De Istevene Chessa

“Comente apo naradu in s’interventu meu penso chi sa majoria de sas cosas intesas in Agghju siant abberu un’esigèntzia e non solu una possibilidade: depent èssere fatas…a mala gana! Totu semus de acordu a nàrrere chi est s’ora de fagher intrare su sardu in sas iscolas e deo apo naradu, in prus, chi est ora de iscùdere in cara a totus sa limba nostra! Devimus comintzare non solu a intèndere (e fagher intèndere) sas peràulas, comente amus chircadu de fàghere fintzas a oe, ma fintzas a las fagher bìdere in totue! Deo apo sempre pensadu chi non b’ant limbas de elite e limbas de massajos e pastores. In su mundu amus sa fortuna de aer, umpare a sas limbas “mannas”, fintzas minorias linguìsticas chi cunservant sa matessi richesa e sa matessi bellesa de cale si siat àtera limba. Creo, pro custu, chi semus fatende sa mègius cosa chi potzat esser fata pro amparare sa limba sarda. Primu o pustis amus a cumbìnchere totus chi si perdimus sa limba, comente apo naradu in s’incomintzu e in sa tancadura de s’interventu meu, amus a pèrdere fintzas s’ànima!”