Sas amministratziones comunales de Boruta, Giave, Tiesi, Itireddu, Cherèmule e Turalva ammaniant paris cun sa R.A.S. e s’Istitutu de Istùdios e Chircas “Camillo Bellieni” de Tàtari sa segunda editzione de LiteraduraLimba: Mustra e Festa de sa Literadura Sarda su 5/6/7 de Nadale de su 2013.

Tres dies a giru peri sas comunas pro chistionare subra sa literadura e sa limba sarda a congruida de sas atividades culturales de s’isportellu linguìsticu subracomunale.

Presentadas de libros, proietziones de film, dibatas cun sos iscritores, sos registas e sos editores e adòbios cun sos pitzinnos de sas iscolas…TOTU IN SARDU E A INDONU.

ABBAIDA SU PROGRAMMA CUMPLETU.

T’isetamus!

PROGRAMMA LITERADURALIMBA

SEGUNDA EDITZIONE 2013

Gioja 5 de Nadale

ASCURTENDE

Boruta, Monastèriu Santu Pedru de Sorres

16.00 ABERTURA de Literaduralimba segunda editzione

Saludos istitutzionales e de sos Sìndigos de Boruta, Cherèmule, Itireddu, Tiesi, Turalva e Giave

Micheli Pinna Diretore Iscientìficu de s’Istitutu de Istùdios e Chircas “Camillo Bellieni” de Tàtari presentat su programma

GIOGHENDE

16:30 ATIVIDADE DE ANIMATZIONE pro sos pitzinnos: sa literadura multimediale

16:45 Presentada de su libru “S’ istrumpa” Alfa Editrice a incuru de s’autore Piero Frau. Presentat Tonino Bussu

MANDIGHENDE LIBROS

18.00 – 20.00 MUSTRA de sos libros e de sos materiales didàticos in sardu. Ant a èssere presentes sos editores Condaghes, Papiros, Edes, Grafica del Parteolla, Alfa Editrice e Domus de Janas

CÙMBIDU de màndigos salidos e durches de su Meilogu

At a animare su sero su CORO DE BORUTA umpare a “Lu coru di Sassari”.

Chenàbura 6 de Nadale

Tiesi, Istitutu Comprensivu, Iscola de s’infàntzia, Carrera Garau

09.00 Presentada de su libru “Sa paristòria de Bakis” editziones Condaghes a incuru de Adriana Cocco

Tiesi, Iscola de s’infàntzia “Ente Morale Asilo Infantile San Michele”, Carrera Matteotti,2

11:00 Presentada de su libru “Nadale” editzione Papiros a incuru de s’editore Diegu Corràine

ABBAIDENDE

Turalva, Tzìnema Carlo Felice, Carrera Carlo Felice

16.00 “A ognunu s’arte sua…Sa limba sarda in totu” a incuru de Daniela Masia

Saludos istitutzionales e testimonia de s’Assòtziu Santu Antine de Turalva

17.00 PROIETZIONE A INDONU DE SU FILM BILÌNGUE “L’ARBITRO”DE PAOLO ZUCCA. Disponibilidade de 90 postos.

19:00 Arresonada cun su regista e atores

20:30 PROIETZIONE A INDONU DE SU DOCUMENTÀRIU TOTU IN SARDU “CAPO E CROCE, LE RAGIONI DEI PASTORI” DE MARCO ANTONIO PANI E PAOLO CARBONI. Disponibilidade de 90 postos.

22:00 Arresonada cun sos registas e atores. Coordinat Micheli Pinna Diretore Iscientìficu de s’Istitutu de Istùdios e Chircas “Camillo Bellieni” de Tàtari.

Sàbadu, 7 de Nadale

Tiesi, Istitutu Cumprensivu, Iscola segundària, Carrera G.Deledda

09.30 Presentada de sos libros “Canthones dde is Bagadias” Edes Editore cun s’autore Ivan Maroniu e de “Su giornalinu de Gianburrasca” edizioni Grafica del Parteolla cun s’editore Paolo Cossu

Tiesi, Istitutu Cumprensivu, Iscola primària, Carrera Garau

11.30 Presentada de su libru “Jorge, s’amigu nostru- Contos de vida de papa Frantziscu” editzione Papiros cun s’editore Diegu Corraine

Cherèmule, Tzentru Culturale, Pratza Insorti Magiari

Saludos istitutzionales

16.30 Presentada de su libru “Su Corsaru Nieddu” editzione Grafica del Parteolla a incuru de sa tradutora Maria Antonietta Piga

Proa finale e premiatzione de su progetu “Ti lu preguntat su Corsaru Nieddu” pro sos pitzinnos de s’iscola segundària inferiore e superiore

CONGRUIDA E CÙMBIDU de màndigos salidos e durches de su Meilogu

Sa mustra de sos libros e de sos materiales didàticos at a èssere fata in cada logu interessadu dae sa manifestatzione.