In Oroteddi sos pitzinnos chistionant e iscrient in sardu – Sas fotos

Dae sas paràulas a su contu

Sa fantasia de sos pitzinnos nos lassat semper a buca aberta, ca curret in milli àndalas e sighit milli imbentos. E gasi etotu oe, in Oroteddi, sos pitzinnos de sa tertza e de sa cuarta elementare ant lassadu  faeddare e iscrìere s’imbentoria issoro. Pro more de su laboratòriu ammaniadu dae s’Ufìtziu de sa Limba Sarda de sa Provìntzia de Nùgoro, sos piseddos ant giogadu a iscrìere in sardu. In antis ant chircadu de ammentare paràulas chi lis colaiant in mente e a pustis cun sas matessi paràulas ant iscritu bator contos: unu comintzat cun sa fura de una berbeghe a su pastore Ninu, un’àteru faeddat de sa gatu Dàriu chi at tènnidu unu pugione, s’àteru de unu compare chi fiat andadu a comporare sos “culurzones” e de unu re e de una reina chi s’istimaiant. S’ùrtimu contat imbetzes de unu pugione chi s’est “pèrdidu in sa nèula bianca che su late”.
Una bella die de laboratòriu in sardu, pro s’allegria de pitzinnos, maistras e operadore de s’ULS.

Angelo Canu

IMG_8765IMG_8764

IMG_8766 IMG_8767 IMG_8768 IMG_8769 IMG_8770 IMG_8771 IMG_8772 IMG_8773 IMG_8775 IMG_8776 IMG_8777 IMG_8778 IMG_8779 IMG_8781 IMG_8782 IMG_8783

 

Oroteddi – laboratòriu in limba sarda

IMG_8673 IMG_8674 IMG_8675 IMG_8676 IMG_8677Su 26 de santandria de su 2013 s’Ufìtziu de sa Limba Sarda de sa Provìntzia de Nùgoro at presentadu a 45 pitzinnos de sas elementares de s’iscola de Oroteddi unu laboratòriu in limba sarda, partzidu in duas partes. Sa prima parte fiat unu contu àudio-vìdeo in limba sarda, pro mustrare a sos pitzinnos chi fintzas in sardu si podent fàghere cosas bellas e de cabbale; in sa segunda parte amus imbetzes fatu unu laboratòriu de limba sarda, ponende a cunfrontu sa grammàtica e s’ortografia sarda cun sa chi connoschent de prus, s’italiana.

Duas oras de istùdiu, a mesturu cun giogu e alligria. Duas oras in iscola in sardu e pro su sardu.

 

Comuna de Oroteddi – Avisu bursas de istùdiu

orotelli, avviso, lingua sarda, borsa di studio


COMUNA DE OROTEDDI

PROVÌNTZIA DE NÙGORO

 

ÀREA SÒTZIU-ASSISTENTZIALE, CULTURALE E ISCOLÀSTICA

AVISU

BURSAS DE ISTÙDIU PRO SOS GASTOS ISCOLÀSTICOS DE SOS ISTUDIANTES DE S’ISCOLA PRIMÀRIA E SEGUNDÀRIA DE IU E IIU GRADU – A.I. 2012/2013

 

SU RESPONSÀBILE DE SERVÌTZIU

 

BIDA sa tzirculare Regionale (delìbera G.R. n. 22/22 de su 17/06/2013) Assignatzione bursas de istùdiu pro sos gastos iscolàsticos pro s’A.I. 2012/2013;

BIDA sa deliberatzione de G.C. n. 57 de su 06/08/2013, chi pertocat sas lìnias ghia pro su sustegnu a sos gastos iscolàsticos;

  

DAT A ISCHIRE

 

         chi tenet su deretu a su contributu pro sos gastos iscolàsticos sos istudiantes de sas iscolas primàrias e segundàrias de Iu e IIu gradu pro s’annu iscolàsticu 2012/2013

         chi su rèditu ISEE non depet èssere prus artu de 14.650,00 èuros

         chi sos mòdulos sunt a disponimentu in sa Biblioteca Comunale e in sa Comuna (in sos isportellos de sos ùfìtzios de s’anàgrafe e de s’istadu tzivile)

         chi sa presentada de sas domandas (cun sa còpia de s’ISEE) depet èssere fata a s’ufìtziu de su protocollo de sa Comuna non prus a tardu de su 30 de capidanne

 

 

OROTEDDI, su 22 de austu de su 2013

 

 

Su Responsàbile de su Servìtziu

 

                                                                         MONNI AMÈLIA

Comuna de Oroteddi – Avisu servìtziu iscolabus

orotelli, avviso, scuolabus, lingua sarda, ufìtziu limba sarda


COMUNA DE OROTEDDI

PROVÌNTZIA DE NÙGORO

 

ÀREA SÒTZIU-ASSISTENTZIALE, CULTURALE E ISCOLÀSTICA

 

AVISU

SERVÌTZIU ISCOLABUS ISCOLA DE S’INFÀNTZIA, PRIMÀRIA E SEGUNDÀRIA IU  GRADU – A.I. 2013-2014

 

SU RESPONSÀBILE DE SERVÌTZIU

 

DAT A ISCHIRE

 

         chi sos istudiantes si podent marcare a su servìtziu ISCOLABUS pro s’annu iscolàsticu 2013/2014 e chi sos mòdulos sunt in sa Biblioteca Comunale e in sa Comuna (in sos isportellos de sos ùfìtzios de s’anàgrafe e de s’istadu tzivile)

         chi sa presentada de sas domandas depet èssere fata non prus a tardu de su 16 de capidanne

 

 

OROTEDDI, su 30 de austu de su 2013

 

 

Su Responsàbile de su Servìtziu

 

                                                                         MONNI AMÈLIA