Sa Pro Loco de Pasada, su sòtziu culturale “Sa Dea” de Torpè e su “Comitadu N.S. de sos Anzelos” de Torpè, cun s’agiudu de su Sòtziu Culturale “Sa Dea” de Torpè e de s’Amministratzione Comunale de Pasada presentant “Unu risu pro Tommaso” una manifestatzione de benefitzèntzia chi s’at a fàghere in s’Auditòrium de Pasada su 4 de maju. B’ant a èssere artistas, grupos folclòricos, cuncordos e tenores chi ant a bènnere dae totu s’ìsula, totus sena pigare soddu perunu. Sa punna de sa manifestatzione, chi at a èssere ghiada da Tzicheddu Spanu e Giuliano Maròngiu, est sa de agiuare sa famìllia de Tommaso, pitzinneddu de 5 annos de Pasada cun parentes fintzas in Torpè, chi at una cardiopatia grave dae cando est nàschidu: dae tando at àpidu paritzos interventos chirùrgicos in su ” Bambin Gesù” de Roma. Pro more de s’impignu e de s’unione de duas comunidades, sa de Pasada e sa de Torpè, est naschende una manifestatzione pro torrare a donare su risu e unu pagu de serenidade a su printzipeddu nostru e a sa famìllia sua.

Si podet donare fintzas cun unu bonìficu bancàriu: su nùmeru de IBAN est IT56B0101586920000070277858, cun causale”Pro Tommaso”.

In su fògiu publitzitàriu podides lèghere su programma: