fotos de Claudia Satta

Fintzas a pagas deghinas de annos a oe, una de sas fainas

mannas de sas fèminas fiat sa cota de su pane. Apostivigada

sa die, si allughiat su fogu in furru, chi beniat impreadu non

da una famìllia ebbia, ma dae paritzas famìllias de su

bighinadu a manera de imprearent totu paris sa linna pro su

fogu e sa madrighe pro su pane. A su sòlitu su ritu de sa cota

poniat curiosidade a pitzinnos e pitzinnas chi abbaidaiant a

s’ammanitzu de su pane faghende peri carchi faina de pagu

contu pro nd’àere in càmbiu unu pagu de pane lentu galu

caente. Mescamente sas pitzinnas fiant obligadas a esserent

presentes ca abbaidare cheriat nàrrere fintzas cumentzare a

imparare su chi faghiant sas coghidoras: dae comente

s’inturtat a comente si apirat su pane in sos pannos de ispiga, in subra de sa banchita. De d’arte de sa cota deviant fintzas connòschere sos trastes e si fiant bravas lis faghiant su

prètziu de las pònnere impare a sas mannas pro tèndere sa

pasta cun su cannone.

Sa cota de su pane fiat unu traballu mescamente de fèminas,

chi a manera segura no istaiant a sa muda, antzis!

Calicuna mere de domo chircaiat sas coghidoras non bravas

e lestras ebbia, ma fintzas contulàrgias. Pro nde colare su

tempus difatis si chistionaiat de totu: sas novas e sos

pispisos de sa bidda, contos de bivos e de mortos, ma si

naraiat fintzas carchi rosàriu.

In prus de su pane de fresa (pane carasadu) beniant

coghinados àteros tipos de panes e de durches: sa

cotzula, su muditzolu, sa cotzula de elda, su pane lòriga,

casadinas, pupieddas o cotzuleddas de Sant’Antoni,

pedicogones, gelminos, pessighes.

A s’acabbada de s’arrèsonu: sa cota de su pane fiat una

bera e pròpia iscola de bida.

Iscritu dae Alberto Pala e bortadu in sardu dae Angelo Canu

si podet iscarrigare su pdf: http://www.comune.torpe.nu.it/docs/cultura/17/su_ritu_de_sa_cota_de_su_pane.pdf