Pasada – Cursos de su Tzìrculu Nauticu

comune posada, circolo nautico la caletta, siniscola, lingua sarda, corso di vela, limba sarda

comune posada, circolo nautico la caletta, siniscola, lingua sarda, corso di vela, limba sarda


COMUNA DE PASADA

Assessoradu a s’Istrutzione Pùblica, Cultura, Isport e Ispetàculu

cun s’agiudu de

TZÌRCULU NAUTICU DE SA CALITA

Avisu a sos dischentes

S’Assessoradu a s’Istrutzione Pùblica, Cultura, Isport e Ispetàculu de Pasada, cun s’agiudu de su Tzìrculu Nauticu de sa Calita, in s’àmbitu de sas atziones chi ant sa punna de promòvere s’esertzìtziu isportivu in sos dischentes  de sas iscolas, at a ativare cursos de vela pro sos pitzinnos chi frecuentant s’iscola primària e s’iscola segundària de 1u gradu (sos postos a disponimentu sunt 25).

Sos cursos ant a cumentzare su 17 de làmpadas de su 2013.

Sa cuota pro s’iscritzione  a su cursu e su tesseramentu a sa F.I.V. (Federatzione Italiana Vela) est in totu de 20 euros.

Sas iscritziones depent èssere cunsignadas a sos ufìtzios de su Tzìrculu Nauticu de sa Calita, non prus tardu de su 31 de maju de su 2013.

Sas domandas ant a èssere pigadas cunforma a s’òrdine de arrivu; ant a èssere pigadas duncas sas primas 25 domandas.

Sas domandas podent èssere presentadas dae chi tenet sa residèntzia in Pasada e depent èssere fatas dae su babbu o dae sa mama (o tutore legale) de su dischente.

S’amministratzione Comunale at a pòdere tènnere in cunsideru sas domandas de dischentes chi tenent sa residèntzia in àtera Comuna, s’in casu chi sas domandas de sos dischentes cun residèntzia in Pasada siant de mancu de 25.

Pro sos mòdulos, pro informatziones e ispricatziones, domandare a su Tzìrculu Nauticu.

www.comune.posada.nu.it  – www.circolonauticolacaletta.it

 

si podet iscarrigare s’avisu in pdf: http://www.comune.posada.nu.it/docs/cultura/15/cursos_tzirculu_nauticu.pdf

Progetu Assistèntzia a domitzìliu – 19 Comunas de sa Provìntzia de Nùgoro

progetto home care premium, siniscola, macomer, lodè torpè, posada

 

In sas Comunas de su Mandamentu de Thiniscole

(Garteddi, Irgoli Locula, Lodè, Oniai, Orosei, Pasada, Thiniscole e Torpè)

e de su Mandamentu Sanitàriu de Macumere

(Bìroro, Golothene, Borore, Bortigale, Duarche, Lei, Macumere, Noragùgume, Silanos e Sindia) 


pro iscarrigare su pdf:

http://www.comune.lode.nu.it/docs/cultura/24/hcp_lode_posada_torpe.pdf

http://www.comune.torpe.nu.it/docs/cultura/17/hcp_lode_posada_torpe.pdf

In viazu – Askra

musica sarda, askra, in viazu, thiniscole, siniscola, limba sarda, lingua sarda, rock

Neune si pessat de poter ischire sos viazos chi ischertas in vita tua. Arrumban in conca mamentos de sole, sa vera richesa de s’animu. E si nch’intenden sos sonos de sos ammentos, de oras colatas impare, lestros andejos si pistan e sinnos issutta e sos ventos son malos de pesare a bolu.

Su bator de lampadas s’iden laores son frores in sos campos chi naschin e chircan pache in su fritu ‘e jannariu in uve s’abba est prus lepia de viere.

Non si che morin sas frammas de su chi amus poitu rider, prantos istracos de ‘etzos chi an gana de contare, son prejoneris de annos in peddes e concas anzenas, mestos in coro e chentze libertade cumprendimos su chi nos arrumbat de sa zente chi no ‘urat sentimentos e in aghera si pesat chin sa conca zirata a chirru ‘e oriente, entu ch’imberghet custas fozas chi si pasan cando an a tzapare unu presente chi malos sonnos istajet in dies de pessamentos e jocos li torret galu.

Damus a sa terra sos travicos lentos e issa lepia in gloria ti jucat. Nos catzat su fritu dae onzi carena, in conca calores de vivitu. Ja ‘achen lestras sas umbras a si nc’andare sichinde viazos de omines, ma sas chi istentan in gana de arrumbare ideas chi nos istringhen sa manu. Manu secare cussentzia colata no artzian pro poter difendere; salutan istradas e mamentos de sole: sa vera richesa de s’animu.

Non si che morin sas frammas de su chi amus poitu rider, prantos istracos de ‘etzos chi an gana de contare, son prejoneris de annos in peddes e concas anzenas, mestos in coro e chentze libertade cumprendimos su chi nos arrumbat de sa zente chi no ‘urat sentimentos e in aghera si pesan chin sa conca zirata a chirru ‘e oriente, entu ch’imberghet custas fozas chi si pasan cando an a tzapare unu presente chi malos sonnos istajet in dies de pessamentos e jocos li torret galu.

A Stefano Cara – Tenore Ususule de Thiniscole

stefano.JPG

Isteveneddu caru amicu nostru
Ascurta dae su chelu custu cantu
Nos’as dassatu in ocros de prantu
Chin tristura e chin su coro affrantu…

Chin sa cara sempere sorridente
Illuminaisi sa die a sa zente
Mustrande bonu coro a tottu cantos
I’sempere prontu pro sos cumpanzos…

As mantesu sempere sas traditziones
De cust’isula nostra sardinnola
Su jocu a sa murra e sos tenores
Cantande in sas festas e in’iscola…

Commo canta dae su Paradisu
Che anzelu divinu dae s’artura
A su chelu andatu in zoventura 
Pro unu jocu maccu e su destinu…

Pruite de sa morte s’arrivare 
Non s’ischiti su minutu,ora e die
A decheott’annos t’ata cherfitu picare
Vaula parete chi es toccatu a tie…

E pro su tuo calorosu amore
Meritatu ti sese tantu onore
T’ana connottu istranzos e paesanos
Commo pasa in sos eternos Chelos…

Entula – Kenze neke


Arziati entu e surva cummente mai ha’survatu
Entula! Entula su pruere anticu
Inferkittu in su coro de sos pessamentos
Poter gai incrinare s’ iskina a sos ki han fattu lezze
Su disisperu e su dolore de s’animu sinzeru

(Non b’andat bene, tottu andat male. E tando como gherramus tott’ impare)

Arziati entu e surva cummente mai ha’ survatu
Entula! Entula su pruere anticu
Inferkitu in su coro de sos pessamentos
Poter gai incrinare s’ iskina a sos ki han fattu lezze
Su disisperu e su dolore de s’ animu sinzeru

(Non b’andat bene, tottu andat male. E tando como gherramus tott’ impare)

Oh-oh-ooh rivoluzione
Oh-oh-ooh rivoluzione
Oh-oh-ooh rivoluzione
Oh-oh-ooh rivoluzione

De su mundu s’ han leatu su governu
libertade e fratellantzia hana abolitu
Tenimos ordines e doveres
segundhu sa volontade de sor meres
Pro disciplina cuntra de sas kimeras
anticamente han costruitu presones e galeras
Pro donzi ribelle hana istituitu
regulas e lezzes severas
E d’ onzi pegus de s’ umane gregge
assuggettattu l’ hana cunforme a sa lezze

E d’onzi pegus de s’ umane gregge
assuggettattu l’ hana cunforme a sa lezze

Istitutu gai nos han sos omines fattores
pro dirigentes nostros de sos travallatores
Tzenturiones pro sos militantes
distintivos grados de superiore
Dende campus a duos partidos:
Meres e Servitores

E tando kie arat e tzapat
kie kene suore su pane si pappat

Non b’ anda bene, tottu anda male. E tando como gherramus tott’ impare
Non b’ anda bene, tottu anda male. E tando como gherramus tott’ impare

Ohhh Rivoluzione

(Arziati entu e surva cummente mai ha’ survatu Entula! Entula su pruere anticu)

Oh-oh-ooh rivoluzione