Assemblea – Assòtziu su Majolu

su majolu 2

Martis 18 de Martu 2014 s’Assòtziu Su Majolu faghet un’assemblea aberta a totus, pro arresonare de sas initziativas in programma pro s’annu acadèmicu 2014-2015.
Nos semus torrende a organizare pro giùghere a in antis sa pelea de sos istudiantes sardos, pro fraigare un’Universidade pensada pro sos bisòngios e pro s’isvilupu econòmicu, sotziale e culturale de sa Sardigna.
Totu sos giòvanos e sos istudiantes sunt invitados a bènnere a s’addòbiu.
Nos atzapades in su pranu de terra de su Dipartimentu de Lìteras, in Carrera de Zanfarino.
Pro informatziones mutide a sos nùmeros: 3389907774 – 3479221197

AGABBADU SU PRIMU ANNU DE FILS: TENIMUS GIAI PERSONALE PRO PÒNNERE SU SARDU IN ISCOLA, MA BI CHERET ÀTERU.

limba sarda, corso fils, lingua sarda, limba sarda, diego corraine, regione sardegna, università di cagliari, università di sassari

de Diegu Corràine

Su 6 de nadale coladu, cun s’ùrtima discussione de sas tesinas, est agabbadu su primu annu de su cursu de Formatzione pro Insinnantes in Limba Sarda in s’Universidade de Casteddu. Sunt istados 66 sos maistros, professores o operadores linguìsticos chi ant sighidu una formatzione belle e semper in sardu, durada chentinas de oras. Unu resurtadu positivu, in ue sos ispetzializados ant mustradu chi si podet fàghere iscola IN sardu e DE sardu. In sas discussiones cun sa cummissione de esàmene, sos candidados ant presentadu s’argumentu issoro (in forma de Unidades Didàticas, dae s’istòria a sa geografia, dae sa mùsica a sa religione) cun craresa e cumpetèntzia, finas ca totus ant dèvidu isperimentare sa “teoria” in sa pràtica, cun sos iscolanos de sas elementares, mèdias e superiosres, in iscolas chi los ant ospitados Esperièntzias pràticas chi sunt duradas meses. A su chi ant espostu, sas iscolas, sos iscolanos e sas famìlias ant atzetadu custas esperièntzias cun cuntentesa manna, pedende de sighire. Custu nos narat craru chi s’iscola sarda e sas famìlias cherent deretu su sardu in iscola. E nos narat finas chi b’at maistros e professores preparados pro fàghere iscola in sardu e de sardu. E sos cursos de formatzione tenent una funtzione fundamentale.

 
Sa funtzione de sa RAS

Tocat a nàrrere finas chi totu custu non podiat èssere posssìbile sena sa Regione Sarda, chi at disinnadu e pagadu sos Cursos e los at cunfidados, pro como, a s’Universidade de Casteddu, chi at tentu su mèritu de àere atzetadu sas cunditziones de sa RAS (fàghere sas letziones frontales a sos cursistas in sardu a su nessi pro su 50% de sas oras). S’UniCA at finas mustradu umilidade, ca non tenende totu sos professores internos capatzos de fàghere letziones in sardu, at bandidu unu cuncursu pro reclutare professores esternos capatzos de insinnare in sardu. A dolu manu, s’Universidae de Tàtari no at fatu sos Cursos ca no at atzetadu sas cunditziones de sa RAS. Non tenende professores a tretu de fàghere letziones in sardu, cun prosopopea manna, at chircadu de cumbìnchere sa RAS chi fiat mègius a fàghere sas letziones in italianu (pro cuare s’incapatzidade de sos professores suos) e su sardu in sos laboratòrios. Ma sa RAS e su movimentu linguìsticu chi at bidu deretu sa trampa, at negadu su dinare a sa UniSS, chi lu cheriat pònnere pro s’organizare master de 2u livellu, semper in italianu (cun laboratòrios in sardu), chi non b’intrant nudda cun sa formatzione de insinnates disinnada dae s’Osservatòriu regionale de sa cultura e limba sarda e dae sa RAS. UniSS? Botzada dae totus!
FILS de Casteddu podet megiorare, tenende in contu sos cussìgios de chie l’at frecuentadu, de chie b’at insinnadu e de sa RAS. Ma b’est e paret positivu. 
 
Sardu in iscola: Progetu de Iscola Bilìngue
Ma pro tènnere a beru un’iscola bilìngue non bastat sa FILS. Tocat a sighire su caminu prevìdidu dae sa Lege 482/99. Cunforma a sa Lege, babbos e mamas de sos iscolanos devent pedire su sardu in iscola in sos mòdulos apòsitos. E s’Iscola devet ammaniare unu POF bilìngue pro insinnare “su” e “in” sardu in sas setziones o grupos de iscolanos chi cherent su sardu, e agatare e formare maistros e professores (in intro de s’iscola o de unu consòrtziu locale de iscolas, cun s’agiudu de s’Universidade o de àteros entes formativos).
Tocat a nàrrere in manera crara chi, sena cambiare s’ordinamentu de s’iscola, totu custu lu podent fàghere maistros e professores de rùolu ebbia, in s’oràriu iscolàsticu curricolare normale, faghende sas matèrias finas in sardu e imparende su sardu in intro de sas oras de “educatzione linguìstica”. Finas ca non b’at peruna possibilidade de aumentare sas oras o de reclutare àteru personale. Est craru chi si sos maistros e professores chi s’impinnant pro su sardu e in sardu in iscola, in intro de unu POF addatadu a su progetu de “iscola bilìngue”, devent otènnere unu reconnoschimentu econòmicu, pro minore chi siat. Ca sunt traballende pro megiorare sas cumpetèntzias linguìsticas in sardu de sos iscolanos, comente ant a pòdere dimustrare cun verìficas apòsitas.
Ma tando est craru finas chi TOTUS nos devimus mobilitare, a manera chi sa Diretzione Iscolàstica regionale (tràmite sas Iscolas) fatzat connòschere a sas famìlias sa possibilidade de pedire su sardu in s’iscola. Ma nos devimus mobilitare finas pro formare e cumbìnchere sas famìlias chi su sardu in iscola est fundamentale pro su sardu matessi, pro s’identidade nostra e pro imparare mègius sas àteras limbas. Chie connoschet o imparat su sardu at a imparare mègius s’inglesu e sas àteras limbas. Oramai est una veridade dimustrada dae professores mannos e neuròlogos.
 
Universidade e limba sarda
Non so petzi deo chi, però, est narende chi, a dolu mannu, si nche catzamus custos cursos FILS chertos dae sa RAS (non dae s’Universidade, chi nd’est petzi esecutore), sas Universidades sardas sunt che a totu su restu de s’Universidade italiana: faghent dialetologia comente in totue. Pro sa limba sarda, segunda limba pustis de sa limba italiana in intro de s’Istadu, no andat bene. S’Universidade, in Sardigna, devet tènnere totu sas matèrias chi li pertocant: limba sarda  e sas àteras limbas de minoria reconnotas(e non linguìstica e dialetologia ebbia), didàtica de su sardu e de sas àteras minorias reconnotas dae sa Lege 26; tradutologia; terminologia; sotziulinguìstica; lessicografia, etc. Su fatu chi sa RAS, pro como apat incarrigadu s’Universidade pro sos cursos, non nos devet trampare, Sena FILS, UniCA e UniSS torrant a èssere privas de limba sarda.
E duncas, faghent bene a protestare e a pretèndere unu càmbiu totale sos istudentes, sos professores, sas famìlias, sos Sardos, pro sa sardizatzione de s’Universade in Sardigna. Nde tenimus totu su deretu. Si nono, sa RAS organizet e paghet una Universidade Sarda, pùblica, reconnota, ecuipollente, comente faghent in àteras comunidades linguìsticas e natzionales.
 
dae http://limbas.tempusnostru.it/parrere-1.page?docId=2288

Si fintzas s’acadèmicu italianu nde falat dae su monte…

 

IMG_2195.JPG

 

Su 28 de trìulas su “Corriere della Sera” at publicadu un’artìculu intituladu “Dai deputati dell’ isola nessun intervento – Se per il Parlamento il sardo non rientra tra le lingue da salvare – Escluso dall’ insegnamento a scuola”. E ite diàulu! Cheres bìdere chi su bentu est girende de a beru e fintzas sos italianistas de su Corriere si sunt ponende a coro sa chistione de sa limba sarda?

 

S’artìculu, comente at naradu Diegu Corraine in s’artìculu “F. Brevini in su Corriere della Sera: disinformatzione contra a s’unidade de su sardu” tenet un’istèrrida chi paret de un’amigu de sa limba sarda, ca paret chi crìticat sos parlamentares sardos pro àere atzetadu unu testu de ratìfica de sa Carta Europea de sas limbas regionales e de minoria, chi nde bogat su sardu dae s’iscola e nde cantzellat sa possibilidade de su bilinguismu in s’ìsula, sena peruna protesta (ndr, carchi ora a como Silvestro Ladu at fatu un’interventu in àula contra sa discriminatzione de sa limba sarda).

 

Faeddat de s’impignu de s’assessore Milia e de sa protesta de su Comitadu pro sa Limba Sarda: paret de a beru chi a su giornalista (o chie at iscritu s’artìculu) li dolat su coro pro sa chistione de sa limba sarda. Fintzas a cando no essit a campu a ue cheret leare s’arrèsonu suo: a chircare de trepojare e bulugiare sas abbas de sa polìtica linguìstica in Sardigna!

 

E in cue cumintzat cun una fàula in fatu a s’àtera: chi sa LSC est una limba noa chi nde diat chèrrere bogare sos faeddos/limbàgios/variantes de sas biddas, chi s’Unione Europea at datu a sa Sardigna 128 milliones de euros pro s’amparu de sa limba, chi in Sardigna b’at tres limbas natzionales (gadduresu, logudoresu e campidanesu!!!!! Sa lege regionale 26/97: custu no ischit mancu ite est!), chi totus in Sardigna sunt de acordu a reconnòschere chi sa “limba natzionale sarda” est su logudoresu e chi tenet un’istandard dae prus de chimbanta annos!

 

Pro mustrare chi tenet resone nde bogat a campu s’universidade de Tàtari chi est contra una limba iscrita istandard “idea artificiosa respinta ultimamente anche dalla commissione di esperti costituita dall’ Università di Sassari” e su “massimo esperto di scrittori isolani” Nicola Tanda (e chie l’at datu custu tìtulu? chie b’aiat in custa giuria? Bido cun pràghere chi in giru  b’est sa moda de si dare tìtulos: antropòlogos, istòricos, linguistas, chircadores e como fintzas “massimo esperto di scrittori isolani”… e ite diàulu!)!

 

Ma a su chi at iscritu s’artìculu, nemos l’at fatu ischire chi sa matessi “commissione di esperti” de sos de s’Universidade de Tàtari no at impreadu su dinari datu dae sa Regione pro fàghere cursos de limba sarda (abaida unu pagu sas pretesas) in limba sarda? Nemos l’at naradu chi unu sòtziu de istudiantes “Su Majolu” at presentadu, paritzos meses a como, una rechesta firmada dae prus de milli persones pro abèrrere “duos cursos de laurea pro pesare mastros e professores chi potant insinzare su sardu e sa didàtica in custa limba in sas iscolas” e chi galu no at retzidu risposta? Nemos l’at naradu chi sas ideas de Tanda subra su logudoresu “limba natzionale sarda” sunt suas ebbia e de àtera paga gente (chimbe? Deghe? Chentu?) e non de “quasi tutti nell’ isola”?

 

Pro agabbare custas duas rigas: chie at iscritu s’artìculu? Calicunu chi connoschet bene sas cosas sardas? Ando a lèghere chie est custu defensore mannu de su sardu e bido chi est… Franco Brevini! Oh, pitzinnos, apo naradu FRANCO BREVINI! No ischides chi est? Mancu deo….

 

Chirca ca ti chirco e agato su curriculum de custu defensore mannu de sa limba sarda e de sa chistione linguìstica sarda: professore assotziadu (no ordinàriu) de LITERADURA ITALIANA in s’Universidade de Bergamo, at istudiadu sas traditziones literàrias italianas in dialetu e est autore de paritzas publicatziones… mancuna chi pertocat su sardu!

 

Dae wikipedia (est fintzas in cue, duncas est gente de gabbale) http://it.wikipedia.org/wiki/Franco_Brevini si benit a ischire chi “È stato responsabile scientifico a livello mondiale per l’Anno Internazionale delle Montagne proclamato dall’ONU nel 2002; nel 2003 ha coordinato la ricerca «Montagne e comunicazione» promossa dalla Società economica valtellinese; nello stesso anno è stato direttore scientifico del Progetto «Montagne Sicure» varato dal Governo italiano e gestito dall’Istituto Nazionale di Ricerche sulla Montagna in collaborazione con diversi altri enti; sempre nel 2003 ha condotto su Rai3 la trasmissione settimanale QM-Qui Montagne; nel 2004-05 è stato Direttore della Comunicazione dei Campionati Mondiali Fis di sci alpino”…

 

E tando tziu Franco… torrade.bos.nche a su monte, e si bos benit bene, non bi torradas a falare!

Cun amistade…

 

16 de Aprile 2012, presentatzione de sa petitzione pro sa limba sarda in s’Universidade

luiseddu caria,limba sarda,università di sassari,su majolu

Salude.

Lunis, su 16 de Aprile a sas 10 e mesa de manzanu sos istudentes de su sotziu Su Majolu an a presentare una petitzione a su retore Attilio Mastino.

In sa petitzione, firmada dae prus de milli istudentes iscritos in s’Universidade de Tàtari, bi sun tres dimandas chi, pro a nois, dian esser importantes meda pro sa politica linguìstica chi an a pònnere in s’Universidade e pro sa formatzione de sos mastros e professores de Limba Sarda de cras.

Su sardu (sicundu s’istatistica regionale de su 2006 chi est montovada in sa petitzione) est faveddau dae su prus de sos sardos e est cumpresu dae belle totucantos sos chi istan in Sardigna. Mancari gai su sardu est connotu e faveddau meda prus pacu dae sos pitzinnos prus zòvanos ( mascamente finas a sos 15 annos).

Pro custu, pro isvilupare una politica linguistica in duas limbas, bisonzat de imparare su sardu e sa didàtica in sardu in totus sas iscolas elementares, medias e superiores ( e sas ateras limbas chi faveddan sos sardos, in sos comunos inube las faveddan dae tempus meda).

Pro su chi pertocat custos arrèjonos, nois pessamus chi sa menzus manera chi b’at pro pònnere su sardu in totu sas iscolas diat èssere de ligare s’istùdiu e s’amparu de sa limba sarda, chind una prospetiva de trabballu pro sos zovanos sardos chi oje, laureàndesi in sas matèrias umanìsticas, est difìtzile meda chi acaten unu postu de insegnante in sas iscolas.

Pro totu custas resones pedimus chi ponzan dae s’annu ch’intrat duos cursos de làurea nobos:

-su de Iscièntzia de sa Formatzione Primaria in Limba Sarda, chi siat abbilitante pro trabballare comente mastru de sardu e de italianu e pro imparare totu sa didàtica in ambarduas sas limbas in sas iscolas elementares e in sa prim’iscola;

-e su de Limba e Literadura Sarda, chi siat abbilitante pro imparare su sardu, s’italianu e totu sas matèrias umanìsticas in ambarduas sas limbas in sas iscolas medias e superiores.

Pessamus chi in custos duos cursos diat naschire un’arrèjonu mannu e sichiu intr’e sos docentes, sos istudiosos e sos istudentes impignaos pro li dare una bida noba a sa limba de su pòpulu nostru, chi diat azudare a superare sas diferèntzias chi bi sun in sas maneras de pessare a s’istandardizatzione e a sos limbazos sardos.

Pessamus fintzas chi diat esser giustu pro totus sos laureados sardos de cras, pro sos chi istùdian materias tècnicas o iscientìficas puru, de ischire nessi unu pacu sa limba chi faveddat una parte manna de su populu nostru, in modu de poder fàchere su trabballu issoro in Sardigna faveddande chentza perunu impedimentu linguìsticu chin totu sos sardos de totu sas classes sotziales e anagràficas: pro esèmpiu, pessamus chi in Sardigna pro unu dutore siat ùtile esser capassu de arrejonare chind una pessone malàdia in sa limba chi pro su malàdiu est sa prus naturale e chi ischit faveddare menzus: e custa limba mascamente pro sa zente betza, chi no at istudiau e chi istat in sas biddas minores, est su sardu.

Pro custa resone sa ‘e tres dimandas est chi ponzan in totu sos cursos de laurea de totu sas facoltades de s’ateneu nostru, un’esame de Limba Sarda, cumintzande dae sos istudentes immatricolaos dae s’annu acadèmicu 2012-2013.

Bisonzat pessare fintzas chi su ‘e pònnere un’esame de sardu in sos cursos de làurea tècnicos e iscientìficos diat dare un’azudu mannu pro isviupare su lèssicu tècnicu e iscientificu chi nos bisonzat e chi in sa limba nostra non b’est galu.

Si cherimus arribbare a su bilinguismu, lis depimus dare sa mantessi dignidade a sas limbas chi faveddat sa zente nostra, chentza chi b’apat discriminatziones e chentza peruna diferèntzia sociolinguistica , in modu de fravicare un’isvilupu culturale armònicu pro totu su populu nostru. Sa limba sarda podet e depet èsser capassa de narrer donzi cosa, calesisiat arrèjonu tècnicu filosòficu e iscientìficu, gai comente sun capassas totu sas limbas de su mundu.

 

Si sezis de acordu chin nois e chin su chi b’at iscritu in sa petitzione, bos invitamus a benner pro sustenner sa petitzione nostra in dae innantis de sos giornalistas, lunis su 16 de Aprile a sas 10 e mesa de manzanu in s’Universidade Centrale de Tàtari, in Piazza Università.

 

A menzus bier.

 

 

Sa petitzione est custa:

 

A su Retore de s’Universidade de Sàssari

e.p.c. A sos Présides de sas Facoltades de s’Universidade de Sàssari

A sos diretores de sos dipartimentos de s’Universidade de Sàssari

A su Presidente de sa Regione Autònoma de sa Sardigna

A s’Assessore po sa Púbbrica Istrutzione de sa RAS

A su Cussizu Regionale sardu

A su Retore de s’Universidade de Castedhu

 

 

Nois Istudentes de s’Universidade de Sàssari

 

-Bidu chi su prus de sos Sardos faedhant sa limba sarda, su 64,8% segundhu sa chirca “Le lingue dei Sardi. Una ricerca sociolinguistica” pubbricada in zennarzu de su 2007, chirca chi aiat ordinadu s’Assessoradu pro sa Púbbrica Istrutzione de sa RAS a su Dipartimentu de Isciéntzias de su limbazu de sa Facoltade de Líteras de s’Universidade de Sàssari e a su Dipartimentu Chircas Económicas e Sociales de sa Facoltade de Isciéntzias Políticas de s’Universidade de Castedhu.

– Bidu chi, segundhu sa matessi chirca, sa percentuale lompet a su 97,4%, si si contant sos chi lu faedhant o nessi lu cumprendhent

– Bidu chi sos zòvanos chi ischint faedhare su sardu sunt prus de su 50% fintzas in sa classe de edade dae 15 a 24 annos.

– Faghinde contu chi s’iscola e s’Universidade in Sardigna ant fatu unu triballu chi de seguru at batidu a una pérdida de sa limba e de sa cultura de sos Sardos.

– Faghinde contu chi s’iscola e s’Universidade, coment’e istitutziones, ant tentu s’impreu de omologare in sa limba italiana totu sos tzitadinos de s’Istadu italianu e in Sardigna tenent una responsabbilidade grave in s’iscontróriu e irbandhonu de su sardu.

– Faghinde contu chi custa diseducatzione at avilidu su càrculu chi iscolanos e istudentes faghent de sa limba e de sa cultura issoro e che lis at incaschetadu una farta de seguresa e de fide in issos etotu, alienatzione e sentidos de menisprésiu.

– Cussideradu chi est su sardu sa limba de sos Sardos (e segundhu ite est sa limba de una cumpeténtzia fintzas professionale) e cun prus seguresa est sa limba de sos triballadores sardos.

– Cussideradu chi a medas pitzinnos e zòvanos sardos si lis negat ancora oe su diritu, riconnotu e istabbilidu cun sas lezes de s’Unione Europea e de su Cossizu de s’Europa, pro chi tenzant s’istrutzione in sa limba naturale issoro.

– Cussideradu chi totu sos iscolanos e istudentes sardos chi oe no l’ischint faedhare tenent su diritu de imparare su sardu, sa limba de sa zente, de sa cultura e de s’istória issoro chi lis permitit de èssere zente cun zente cun totu s’identidade chi la distinghet.

– Cussideradu chi sos Sardos totugantos tenent su diritu de faedhare sa limba issoro coment’e limba de sa normalidade de su èssere zente in su logu, e tandho fintzas in totu sas istitutziones e prima de totu sas iscolas e Universidades.

– Cussideradu chi, a sos dannos chi at fatu, s’iscola podet e depet rimediare, tocat puru chi cantu prima comintzet a dare s’imparu in sardu e cuncordet una didàtica in sardu in totu sas iscolas, in totu sos grados de s’istrutzione, in totu sa Sardigna e, cun totu sos matessi motivos e cussideros, ateretantu fetat pro totu sas àteras limbas de Sardigna (saligheresu, tabbarchinu, turritanu e cadhuresu) in logos issoro.

– Cussideradu chi custos annos colados si est comintzadu a isperimentare s’imparu de matérias de istúdiu fatu in sardu in oràriu normale in d-unas cantu iscolas e chi ocannu puru sighit custa isperimentatzione promovida e finantziada dae s’Assessoradu pro sa Púbbrica Istrutzione de sa RAS.

 

 

Semus cumbintos chi pro pònnere su sardu coment’e matéria de istúdiu e manizare su sardu in sa didàtica in totu sas iscolas primàrias e segundhàrias de sa Sardigna tocat de ammanitzare a presse su personale docente.

E sigomente pro fàghere sa professione docente bi cheret una làurea chi assiguret sa formatzione netzessària professionale e iscientífica de sos mastros, cheret chi a totu cudhos chi punnant a fàghere custa professione si lis cuncordet apostadamente unu CURSU DE LÁUREA chi sas Universidades sardas tenent su pertzisu dovere de istituire.

 

 

PRO CUSSU ETOTU PEDIMUS

 

 

> DE istituire de s’a.a. 2012-2013 su cursu de làurea pro sa “Formatzione Primària in Limba Sarda”, abbilitante a sa docentza in sardu e a sa didàtica de su sardu in sas iscolas elementares e prima iscola.

 

 

> DE istituire de s’a.a. 2012-2013 su cursu de làurea in “Limba e Literadura Sarda”, abbilitante a sa docentza de su sardu e de àteras matérias umanísticas in sas iscolas médias e superiores.

Pro totu su chi pertocat sa formatzione chi custu cursu si proponet, a totu cudhos chi ant a èssere docentes de sardu, a prus de cantu s’istúdiat cun sos cursos de làurea in Líteras, si lis depet imparare:

sa limba sarda faedhada e iscrita;

linguística e glotologia de su sardu, cun prus pertzisione fonologia e fonosintassi de totu sas faedhadas;

su manizu faedhadu e iscritu de totu sas faedhadas;

sas printzipales propostas de regularizatzione istandard fintzas pro unu probbàbbile séberu, in sos annos imbenientes, de unu sardu istandard non solu pro sos documentos in essida a manizu de sa RAS ma fintzas pro lu impitare in sos ufítzios púbbricos e in sas iscolas;

– sa literadura sarda, sa filologia e s’istória de sa limba sarda.

 

 

> DE istituire de s’a.a. 2012-2013 un’esame de “limba sarda” in totu sos cursos de làurea de totu sas Facoltades.

 

de Luiseddu Caria

L’UNIVERSITA’ DI SASSARI CONTRO LA LINGUA SARDA

Francesco casula, limba sarda, università di sassari, corsi di formazione, regione sardegna, piano triennale 2008-2010

L’UNIVERSITA’:  DOVE IL SARDO E’ PROIBITO

 di Francesco Casula

 

L’Università di Sassari, con protervia, insiste: nei Corsi di formazione degli insegnanti, finanziati dalla Regione, si rifiuta di utilizzare il Sardo come lingua veicolare, relegandola semplicemente ai laboratori. Al contrario dell’Università di Cagliari che invece svolgerà il 50% delle ore delle lezioni in Sardo. In sintonia con le linee d’indirizzo del Piano triennale 2008-2010 e del Movimento linguistico, così come si è espresso ad Alghero durante la recente Conferenza regionale annuale sulla lingua sarda. Il comportamento dell’Università sassarese è assolutamente ingiustificabile: per intanto a livello didattico. Le lingue si insegnano e si imparano, parlandole, usandole, praticandole. Insegnare la Lingua sarda – come qualsiasi altra lingua – senza utilizzarla è come insegnare a un giovane a guidare senza mai fargli utilizzare la macchina. O volergli insegnare il gioco del calcio senza mai farlo giocare: una colossale assurdità e scempiaggine. L’uso del Sardo, è previsto solo nei Laboratori. Come se il Sardo fosse una lingua “gerarchicamente” inferiore, incapace di esprimere i contenuti affrontati nei Corsi: come la storia della Sardegna, la letteratura sarda, la filologia, ecc. ecc. Dimenticando la lezione dei grandi linguisti secondo cui “L’insegnamento della lingua come materia a sé, non produce effetti significativi, se la lingua non è usata come strumento di insegnamento di altre materie e come mezzo per l’espletamento delle attività ordinarie, ossia come mezzo di comunicazione nelle situazioni di vita” (Renzo Titone). Di qui la polemica de su Comitadu pro sa limba sarda che denuncia: “Questo atteggiamento autocolonizzante contrasta l’aspirazione all’equiparazione della lingua sarda a quella italiana e quindi è antagonista al processo in corso verso il bilinguismo perfetto, è dannoso dal punto di vista di una politica linguistica di liberazione e sopratutto da quello didattico in quanto discriminatorio e umiliante nei confronti del Sardo rispetto alla lingua dominante. Ciò corrisponde ad una visione museale e da riserva indiana della lingua sarda che, considera ancora il sardo non la lingua nazionale del nostro popolo ma un ammasso di dialetti di valore inferiore a quello della lingua ufficiale dello stato e incapace di veicolare contenuti alti che invece sarebbe meglio insegnare in lingua italiana”.

 

Pubblicato su SARDEGNA Quotidiano del 19-1-2012